శబరిమల ఆలయం తెరుచుకుంది...

17:12 - November 5, 2018

కేరళ : శబరిమల అయ్యప్ప సన్నిధానం తెరుచుకుంది. చిత్తిర అట్ట విశేషం పూజకు ఆలయ పెద్దలు ఏర్పాట్లు చేశారు. నెలలో ఒక రోజు మాత్రమే ఈ పూజలు నిర్వహిస్తుంటారు. ఒక రోజు మాత్రమే ఆలయాన్ని తెరువనున్నట్లు తెలుస్తోంది. అయ్యప్ప దర్శనం కోసం 
Image result for sabarimala women stoppedఏరుమలైకి భారీగా భక్తులు చేరుకున్నారు. అయ్యప్ప శరణుఘోషతో ఆ ప్రాంతం దద్దరిల్లుతోంది. సుప్రీంకోర్టు తీర్పుతో మహిళలు దర్శనం కోసం రావడం..వీరిని అడ్డుకొనేందుకు వివిధ హిందూ సంస్థలు మోహరించడంతో ఉద్రిక్తత నెలకొంది. దానికంటే ముందు రాష్ట్ర పోలీసులు శబరిమలలో 144 సెక్షన్ అమలు చేశారు. 
మరోవైపు మహిళా భక్తులు వస్తే అయ్యప్ప దర్శనం చేయించేందుకు కేరళ ప్రభుత్వం ఏర్పాట్లు చేస్తోంది. 10 నుండి 50 ఏళ్ల వయస్సున్న మహిళలు వస్తే అడ్డుకొనేందుకు హిందూ సంస్థలు ఆయా ప్రాంతాల్లో మోహరించారు. శాంతిభద్రతలకు విఘాతం కలుగకుండా 2500 మంది పోలీసులు బందోబస్తు ఏర్పాటు చేశారు. మరి ఈసారైనా మహిళలు దర్శనం చేసుకుంటారా ? లేదా ? అనేది చూడాలి. 

Don't Miss