గోపిచంద్ ఆకాడమీకి సైనా

21:41 - September 4, 2017

హైదరాబాద్ : భారత స్టార్ షట్లర్ సైనా నెహ్వాల్ మళ్లీ గోపీచంద్‌ అకాడమీలో చేరింది. ప్రపంచ బ్యాడ్మింటన్ టోర్నీల్లో వరుస పరాజయాలను చవిచూస్తున్న సైనా.. ప్రస్తుత కోచ్ విమల్‌ కుమార్‌ను వదిలి హైదరాబాద్‌కు తిరిగొచ్చేసింది. మనస్పర్థల కారణంగా సరిగ్గా మూడేళ్లక్రితం గోపీచంద్ అకాడమీకి గుడ్‌బై చెప్పిన సైనా.. బెంగళూరులో కోచ్ విమల్ కుమార్ ఆధ్వర్యంలో శిక్షణ పొందింది. వీరిద్దరి కాంబినేషన్‌లోనూ మంచి విజయాలు నమోదుచేసినా .. ముఖ్యమైన టోర్నీల్లో ఎక్కువగా వైఫల్యాలే ఎదురయ్యాయి. తాజాగా జరిగిన వరల్డ్ చాంపియన్‌షిప్‌లో కాంస్యం సాధించిన 16వ ర్యాంక్‌కు సైనా గ్రాఫ్ పడిపోయింది. ఈ నేపథ్యంలోనే ఎలాగైనా తన సత్తా చాటాలని నిర్ణయించుకున్న సైనా.. మళ్లీ కోచ్ గోపీచంద్‌ వద్దకు చేరింది. ఇదే విషయాన్ని సైనా ట్విట్టర్ ద్వారా తెలిపింది. 

Don't Miss