ఇసుక మాఫియా లేదా ? మరి గిదేంటీ ?

13:18 - January 4, 2018

కామారెడ్డి : నిజామాబాద్..కామారెడ్డి జిల్లాలో ఇసుక మాఫియా పెట్రోగిపోతోంది. ఎన్ని దాడులు..దారుణాలు చోటు చేసుకుంటున్నా ప్రభుత్వం మాత్రం ఇసుక మాఫియాను అరికడుతున్నామని చెబుతోంది. తాజాగా కామారెడ్డి జిల్లాలో దారుణ ఘటన చోటు చేసుకుంది. ఇసుక అక్రమ రవాణాను అడ్డుకున్న వీఆర్వోను ఇసుక మాఫియా చంపేసింది. కామారెడ్డి జిల్లాలో పిట్ల మండలం కారేగాం శివారులోని కాకి వాగు నుండి ఇసుక అక్రమ రవాణా జరుగుతోందని వీఆర్ఏ సాయిలు గుర్తించారు. గురువారం అక్కడకు వెళ్లి అక్రమ రవాణాను అడ్డుకొన్నారు. ఆగ్రహానికి గురైన ఇసుక మాఫియా ఏకంగా ట్రాక్టర్ తో ఢీకొట్టించి సాయిలుని చంపేశారు. జిల్లాలో ఇన్ ఛార్జీ కలెక్టర్ పాలన కొనసాగుతుండడంతో ఇసుక మాఫియాకు అడ్డుకట్ట వేయలేకపోతున్నారని తెలుస్తోంది. ఈ దారుణ ఘటనపై ప్రభుత్వం ఎలా స్పందిస్తుందో చూడాలి. 

Don't Miss