సంజూ భాయ్ ఈజ్ బ్యాక్..

07:48 - August 11, 2017

బాలీవుడ్ నటుడు 'సంజయ్ దత్' ఈజ్ బ్యాక్ అంటున్నారు ఆయన అభిమానులు. ఎందుకంటే ఆయన నటించిన తాజా చిత్రం 'భూమి' ట్రైలర్ విడుదలైంది. ఈ చిత్ర ట్రైలర్ చూసిన ఆయన అభిమానులు సంతోషం వ్యక్తం చేస్తున్నారు. జైలు శిక్ష కారణంగా సినిమాలకు దూరమైన సంజయ్ దత్.... శిక్ష ముగిసిన తర్వాత తొలి సినిమా కావడంతో భారీ అంచనాలు నెలకొన్నాయి. సంజయ్ దత్, అదితి రావు హైదరి ప్రధాన పాత్రలు పోషిస్తున్న 'భూమి' చిత్రానికి ఓమంగ్ కుమార్ దర్శకత్వం వహిస్తున్నారు.

ఈ సినిమాలో ఆదితి..సంజయ్ దత్ లు తండ్రి కూతుళ్లుగా నటిస్తున్నారు. గురువారం విడుదలైన ఈ చిత్ర ట్రైలర్ కు అద్భుతమైన స్పందన వస్తోంది. ట్రైలర్ లో సంజయ్ ఫెర్మామెన్స్ చూసిన అభిమానులు ఫిదా అయిపోతున్నారు. ట్రైలర్ చూసిన అనంతరం చిత్రంపై మరింత అంచనాలు పెరిగిపోయాయని పేర్కొంటున్నారు.

కూతురును ఎంతగానే ప్రేమించే తండ్రి పాత్రలో కనిపించిన సంజయ్.... కొన్ని సంఘటనల కారణంగా ఇబ్బందుల్లో పడ్డ తన కూతురును కాపాడుకోవడానికి ఏం చేశాడు అనేది ఈ చిత్రంలో చూపించబోతున్నారు. సెప్టెంబర్ 22, 2017న ఈ మూవీ ప్రేక్షకుల ముందుకు రాబోతోంది.

Don't Miss