సంక్రాంతి..ప్రయాణ హడావుడి..

15:55 - January 12, 2018

హైదరాబాద్ : సంక్రాంతి పండగ సందర్భంగా ప్రయాణీకుల తాకిడి పెరిగిపోయింది. ఆర్టీసీ, రైల్వై, ప్రైవేట్‌ ట్రావెల్స్‌ ఎక్క చూసినా... ఇసుకేస్తే రాలనంతగా ప్రయాణీకుల రద్దీ పెరిగిపోయింది. ప్రమాదాన్ని కూడా లెక్క చేయకుండా ఫుట్‌బోర్డ్‌ పై నిలుచుని మరీ జర్నీ చేస్తున్నారు. హైదరాబాద్‌లో సంక్రాంతి ప్రయాణికులు రద్దీపై టెన్‌టీవీ స్టోరీ. సంక్రాంతి పండగ వల్ల రైలుస్టేషన్లలో ప్రయాణీకుల రద్దీ విపరీతంగా పెరిగింది. జనవరి 12 నుంచే విద్యా సంస్థలకు సెలవులు ప్రకటించారు. మరోవైపు ఆపీసులూ హాలీడేస్‌ ఇచ్చేశాయి. విద్యార్థులు, ఉద్యోగులు పండగకోసం సొంతూళ్లకు పయనం అయ్యారు.

సంక్రాంతికి ఊరుకు వెళుతున్న ప్రయాణీకులతో బస్టాండులు, రైల్వే స్టేషన్లు కిక్కిరిపోతున్నాయి. దీంతో రైల్వే పోలీసులు రైలు వచ్చే సమయానికి ప్రయాణీకులను క్యూలో నిలబెడుతున్నారు. రద్దీకారణంగా నిలుచునే స్థలం లేకున్నా.. ఫుట్‌బోర్డ్‌ మీదే నిలబడి ప్రయాణం చేస్తున్నారు. సొంతూరికి త్వరగా చేరుకోవాలన్న ఆతృతలో ప్రయాణికులు.. ఒక్కసారిగా పెరిగిన రద్దీకి తగినట్టు సర్వీసులు అందుబాటులో ఉంచడానికి రైల్వే, ఆర్టీసీ అధికారుల ఉరుకులు, పరుగులు.. ఇపుడు భాగ్యనగరంలో ఎక్కడ చూసినగా ప్రయాణ హడావిడే కనిపిస్తోంది. 

Don't Miss