కోటి మంది స్కీము వర్కర్ల సమ్మె...

21:19 - January 12, 2018

హైదరాబాద్ : దేశవ్యాప్తంగా కోటి మందికి పైగా ఉన్న స్కీము వర్కర్లు ఈ నెల 17న సమ్మె చేయాలని నిర్ణయించారు. స్కీము వర్కర్ల సమస్యలపై టీ మాస్‌ ఆధ్వర్యంలో హైదరాబాద్‌ సుందరయ్య విజ్ఞాన కేంద్రంలో రౌండ్‌టేబుల్‌ సమావేశం జరిగింది. సమ్మెకు టీ మాస్‌ ఫోరం మద్దతు ప్రకటించింది. వీరిని కార్మికులుగా గుర్తించి నెలకు 18 వేల రూపాయల కనీస వేతనం ఇవ్వడంతోపాటు పీఎఫ్‌, ఈఎస్‌ఐ సౌకర్యాలు కల్పించాలని సమావేశానికి హాజరైన నేతలు కోరారు. స్కీము వర్కర్లుగా ఉన్న ఆశాలు, అంగన్‌ వాడీలు, మధ్యాహ్న భోజన కార్మికులు, ఏఎన్‌ఎంలకు ఉద్యోగ భద్రత కల్పించాలని సీఐటీయూ నాయకురాలు రమతోపాటు, టీ మాస్‌ ఫోరం నేత కంచ ఐలయ్య డిమాండ్‌ చేశారు.

Don't Miss