విలన్ గా శ్రీకాంత్...?

16:45 - July 18, 2016

టాలీవుడ్ లో ట్రెండ్ మారుతోంది. మొదట్లో విలన్ వేషాలు వేసిన వారు హీరోలయ్యారు..కామెడీ పాత్రలు వేసిన వారు కూడా హీరోలుగా ప్రేక్షకులు ముందుకొస్తున్నారు. తాజాగా హీరో వేషాలు వేసిన వారు విలన్ వేషాలు వేయడానికి ముందుకొస్తున్నారు. ఈ జాబితాలో 'జగపతి బాబు' స్పెషల్ క్రేజ్ తెచ్చుకున్నాడనే చెప్పవచ్చు. 'లెజండ్' సినిమా ద్వారా ఆయన విలన్ గా మారిపోయారు. సెకండ్ ఇన్నింగ్స్ లో మంచి విజయాలే నమోదు చేసుకున్నాడు. హీరో రాజశేఖర్ కూడా విలన్ గా నటించేందుకు సిద్ధమౌతున్నట్లు టాక్. తాజాగా హీరో శ్రీకాంత్ కూడా విలన్ గా నటించేందుకు మొగ్గు చూపుతున్నాడంట. తనను విలన్ పాత్రలో నటించాలని తనను ఎవరూ అడగలేదని, ఎవరైనా సంప్రదిస్తే మాత్రం కచ్చితంగా నటిస్తాను అని శ్రీకాంత్ పేర్కొన్నట్లు వార్తలు వస్తున్నాయి. ఆయన తనయుడు రోషన్ హీరోగా 'నిర్మల కాన్వెంట్' చిత్రం ద్వారా పరిచయం అవుతున్న సంగతి తెలిసిందే.

Don't Miss