'ప్రభాస్' పెళ్లి కోసం చెల్లెళ్ల ఎదురు చూపులు..

12:36 - August 8, 2017

టాలీవుడ్ యంగ్ రెబల్ స్టార్ 'ప్రభాస్' పై ఓ వార్త ఎప్పుడూ చక్కర్లు కొడుతూ ఉంటుంది. ఆయన పెళ్లి ఎప్పుడు చేసుకుంటాడు ? పెళ్లి చేసుకబోయే అమ్మాయి ఎవరు తదితర విషయాలపై అభిమానులు చర్చించుకుంటుంటారు. పెళ్లి మాటపై 'ప్రభాస్' మాత్రం అంతగా స్పందించరు. 'బాహుబలి-2' సినిమా అనంతరం వివాహంపై క్లారిటీ ఇస్తానని గతంలో 'ప్రభాస్' వెల్లడించిన విషయం విదితమే. కానీ ఆ సినిమా విడుదలై వంద రోజులు కావస్తోంది. కానీ 'ప్రభాస్' మాత్రం పెళ్లి విషయంలో ఎలాంటి ప్రకటన చేయడం లేదు.

ఇదిలా ఉంటే రాఖీ పండుగ సందర్భంగా 'కృష్ణంరాజు' రెండో కుమార్తె సాయి ప్రకీర్తి మీడియాతో మాట్లాడింది. తాము ముగ్గురు అక్కాచెల్లెళ్లమని, తన అక్క పేరు సాయి ప్రసీద, చెల్లి పేరు సాయి ప్రదీప్తి అని చెప్పింది. ప్రతి రాఖీ పండుగకు అన్నయ్య 'ప్రభాస్‌'కు తాము ముగ్గురం రాఖీలు కడతామని చెప్పింది. రాఖీ కట్టగానే ఒక గిఫ్ట్ ఇస్తారని, తాము ఏది అడిగినా 'ప్రభాస్' కాదనడని పేర్కొంది. పెళ్లి ప్రస్తావన తెస్తే మాత్రం ఏదో ఒకటి చెప్పి దాటవేస్తాడని, అన్నయ్య పెళ్లి ఎప్పుడవుతుందా? అని ఎదురు చూస్తున్నామని మనసులోని మాట చెప్పేసింది. అన్నయ్య పెళ్లి సంగీత్‌లో డాన్స్ వేసేందుకు ఇప్పటి నుంచే ప్లాన్‌ చేసుకుంటున్నామని, అన్నయ్య పెళ్లిలో మంచి ఫుడ్‌ ఉంటుందని తెలిపింది. మరి ప్రభాస్ పెళ్లి ఎప్పుడు చేసుకుంటారో..చెల్లెళ్ల కోరిక ఎప్పుడు నెరవేరుస్తాడో చూడాలి. 

Don't Miss