'నల్లధనం, అవినీతి, ఉగ్రవాదం తగ్గకపోగా మరింత పెరిగాయి'

21:28 - February 6, 2017

ఢిల్లీ: ప్రధాని మోది చెప్పినట్లుగా నోట్ల రద్దుతో నల్లధనం, అవినీతి, ఉగ్రవాదం తగ్గకపోగా మరింత పెరిగాయని రాజ్యసభలో సిపిఎం సభ్యులు సీతారాం ఏచూరి తెలిపారు. రాష్ట్రపతి ప్రసంగంపై ధన్యవాదాలు తెలిపే తీర్మానంపై చర్చలో భాగంగా ఏచూరి మాట్లాడారు. నోట్ల రద్దు కారణంగా వందకు పైగా మృతి చెందిన విషయంపై ప్రభుత్వం స్పందించకపోవడం దారుణమన్నారు. పైగా పెద్ద యజ్ఞం జరిగినపుడు ఆహుతి జరుగుతుందని నిర్వచించడం శోచనీయమన్నారు. డిమానిటైజేషన్‌ తర్వాత రైతులు, కూలీల పరిస్థితి దుర్భరంగా మారిందని ఏచూరి అన్నారు. గత మూడు నెలల్లో టూవీలర్స్‌ అమ్మకాలు 35 శాతం పడిపోయాయని... బెనారస్‌ చీరలకు ప్రసిద్ధి చెందిన ప్రధాని నియోజకవర్గం వారణాసిలో చీరల ధరలు సగానికి పడిపోయాయని ఏచూరి చెప్పారు.

Don't Miss