నోట్లో పేలిన దీపావళి బాంబు...విషాదం...

12:08 - November 3, 2018

మహారాష్ట్ర : దీపావళి పండుగ వచ్చేస్తోంది. అప్పుడే విషాదాలు కూడా చోటు చేసుకుంటున్నాయి. దీపావళి పండుగ సందర్భంగా కాల్చే పటాసుల ద్వారా ప్రమాదాలు చోటు చేసుకుంటున్నాయి. తాజాగా పటాసు ఓ బాలుడి నిండు ప్రాణాన్ని బలిగొంది. ఈ విషాద ఘటన మహారాష్ట్రలో చోటు చేసుకుంది. రాయ్ పూర్ పీఎస్ పరిధిలోని పింపాల్గాం గ్రామంలో యశ్ సంజయ్ గవాటే బాలుడు తోటి స్నేహితులతో ఆడుకుంటున్నాడు. వీరు మతాబులు పేలుస్తున్నారు. కానీ ఓ మతాబు పేలకపోవడంతో దానిని గమనించేందుకు వెళ్లాడు. నిప్పు ఆరిపోయి ఉంటుందని భావించిన సంజయ్ మతాబును నోట్లో పెట్టుకుని కొరికాడు. వెంటనే అతి పేలిపోయింది. సంజయ్ కు తీవ్రగాయాలయ్యాయి. వెంటనే అతని కుటుంబసభ్యులు ఆసుపత్రికి తరలించారు. బాలుడు ఆస్పత్రిలోనే చికిత్స పొందుతూ మృతి చెందాడు. దీనితో తల్లిదండ్రులు కన్నీరుమున్నీరయ్యారు. స్థానికంగా ఈ ఘటన విషాదాన్ని నింపింది. దీపావళి పండుగ సందర్భంగా కాల్చే మతాబుల పట్ల జాగ్రత్తగా ఉండాలని పలువురు సూచిస్తున్నారు. 

Don't Miss