9న 'స్పైడర్' టీజర్..

16:21 - August 8, 2017

ప్రిన్స్ 'మహేశ్ బాబు'..'మురుగదాస్' కాంబినేషన్ లో నిర్మితమౌతున్న 'స్పైడర్' సినిమా కోసం అభిమానులు ఎంతగానో ఎదురు చూస్తున్నారు. ఇటీవలే చిత్రానికి సంబంధించిన టీజర్స్..పోస్టర్స్ విడుదలైన సంగతి తెలిసిందే. రా ఏజెంట్ గా కనిపించబోతున్న 'మహేష్' సరసన 'రకూల్ ప్రీత్ సింగ్' హీరోయిన్ గా నటించింది.

రా ఏజెంట్ గా నటిస్తున్న 'మహేష్ బాబు' సరసన 'రకూల్ ప్రీత్ సింగ్' నటిస్తోంది. ఎస్.జె.సూర్య విలన్ గా నటిస్తున్నాడు.
తెలుగు, తమిళ భాషల్లో రూపొందుతున్న సినిమా షూటింగ్ కంప్లీట్ చేసుకున్నట్లు తెలుస్తోంది. విదేశాల్లో పాట చిత్రీకరణ పూర్తయ్యింది. ప్రేక్షకుల్లో అంచనాలు పెంచేందుకు చిత్ర యూనిట్ వినూత్న ప్రచారం నిర్వహిస్తోంది. అందులో భాగంగా చిత్ర మొదటి సాంగ్‌ 'బూమ్‌ బూమ్‌..పల్లవితో సాగేదాన్ని విడుదల చేశారు. అంతేగాకుండా మరో టీజర్ ను విడుదల చేసేందుకు చిత్ర బృందం సన్నాహాలు చేస్తోంది.

ఆగస్టు 9న 'మహేష్‌' పుట్టిన రోజున స్పెషల్‌ టీజర్‌ను రిలీజ్‌ చేయనున్నట్లు దర్శకుడు మురుగదాస్ ట్విట్టర్ లో ట్వీట్ చేశారు. దసరా పండుగ సందర్భంగా ప్రపంచ వ్యాప్తంగా రిలీజ్ చేయాలని మురుగదాస్ ప్లాన్స్ వేశారు. మరి విడుదలయ్యే టీజర్ ఎలా ఉంటుందో వేచి చూడాలి.

Don't Miss