మెక్సికోలో భారీ భూకంపం

20:25 - September 8, 2017

చీలి : మెక్సికోలో భారీ భూకంపం సంభవించింది. రిక్టార్‌ స్కేలుపై భూకంప తీవ్రత 8.1 నమోదైంది. గురువారం రాత్రి సంభవించిన భూ ప్రకంపనలకు భయభ్రాంతులకు గురైన జనం వీధుల్లోకి పరుగులు తీశారు. భూకంపం ధాటికి దక్షిణ మెక్సికోలో పలు భవనాలు దెబ్బతిన్నాయి. ఐదుగురు మృతి చెంది ఉంటారని సమాచారం. 90 సెకన్ల పాటు భవనాలు కంపించాయని స్థానికులు చెబుతున్నారు. భూకంపానికి మెక్సికో నగరంలో పెద్దగా నష్టం వాటిల్లలేదు. పిజిజియాపన్‌కు 87 కిలోమీటర్ల దూరంలో సముద్రగర్భంలో 43 మైళ్ల లోతులో భూకంప కేంద్రం ఉన్నట్లు గుర్తించిన అధికారులు సునామి హెచ్చరికలను జారీ చేశారు. మెక్సికో, గ్వాటెమాలా, ఎల్‌ సాల్వడార్‌, కోస్టారికా, నిఖరాగ్వా, పనామా, హోండూరస్‌, ఈక్వెడార్‌ దేశాలకు సునామీ హెచ్చరికలు జారీ చేసినట్లు అమెరికా వాతావరణ శాఖ వెల్లడించింది. 2.3 అడుగుల ఎత్తు వరకు అలలు ఎగిసిపడ్డాయి.

Don't Miss