ఎండకాలం..చల్లని ఆహారం..

13:28 - March 23, 2016

ఎండలు మండిపోతున్నాయి. ఈ కాలంలో ఆరోగ్యాన్ని కాపాడుకోవాల్సిన అవసరం ఎంత్తైనా ఉంది. అందుకోసం ఈ కింది చిట్కాలు పాటిస్తే సరిపోతుంది అంటున్నారు ఆరోగ్య నిపుణులు. అవేంటంటే..
ప్రతి రోజూ కొబ్బరి నీళ్లు, పళ్లరసాలు. మంచినీళ్లు, మజ్జిగ, తాటిముంజెలు లాంటి ద్రవ పదార్థాలను రెగ్యులర్‌గా తీసుకోవాలి.
ఉదయం పూట తీసుకునే టిఫిన్స్‌ కానీ, సాయంత్రం పూట తీసుకునే స్నాక్స్‌ కానీ నూనె లేనివి తీసుకోవడం ఉత్తమం.
బార్లీ గింజల్లో నీరుపోసి, ఉడికిన తర్వాత బార్లీ నీళ్లల్లో ఉప్పుగానీ, పంచదార కానీ, నిమ్మరసం కానీ వేసుకొని తాగితే చలువ చేస్తుంది. ఈ నీరు పిల్లలకి చాలా ఉపయోగకరం.
బి, సి, ఇ విటమిన్లు కెరోటిన్‌, సెలీనియం, యాంటీ ఆక్సిడెంట్లు ఎక్కువగా లభించే ఆహారాన్ని ఎంచుకోవాలి. ద్రాక్ష, చెర్రీ, బెర్రీలు, యాపిల్‌, గ్రీన్‌ టీ, ఉల్లిపాయ, బొప్పాయి, నిమ్మజాతి పండ్లు.. ఇలా ప్లేవనాయిడ్ల ఆధారిత ఆహారానికి ఎక్కువగా ప్రాధాన్యమివ్వాలి. వీటి వల్ల శరీరంలో తేమ శాతం పెరుగుతుంది. అలసట తగ్గుతుంది. 

Don't Miss