'పోలవరం'పై సుప్రీంకోర్టులో విచారణ

12:46 - July 23, 2018

ఢిల్లీ : పోలవరం ప్రాజెక్ట్‌ నిర్మాణంపై సుప్రీంకోర్టులో విచారణ జరిగింది. పోలవరం ప్రాజెక్ట్‌ను వ్యతిరేకిస్తూ ఒడిశా దాఖలు చేసిన పిటిషన్‌పై సుప్రీంకోర్టు విచారణ చేపట్టింది. పోలవరం నిర్మాణం వల్ల సమస్యలేంటో చెప్పాలని ఛత్తీస్‌గఢ్‌, ఒడిశా, తెలంగాణ రాష్ట్రాలను ఆదేశించింది. తమ సమస్యలు చెప్పాలని ఎన్నిసార్లు కోరినా... ఒడిశా, తెలంగాణ, ఛత్తీస్‌గఢ్‌ రాష్ట్రాలు పట్టించుకోవడం లేదని కోర్టు దృష్టికి ఏపీ తీసుకువచ్చింది. దీంతో ఈనెల 30లోగా ఏయే అంశాలపై విచారణ చేపట్టాలో చెప్పాలని తెలంగాణ, ఒడిశా, చత్తీస్‌గడ్‌ ప్రభుత్వాలను కోర్టు ఆదేశించింది... లేకపోతే ఏయే అంశాలను విచారణకు చేపట్టాలో నిర్ణయిస్తామని తెలిపింది. తదుపరి విచారణను ఈనెల 30కి వాయిదా వేసింది. 

 

Don't Miss