పోలవరం నిర్మాణంపై ఒడిశా అభ్యంతరం..

12:14 - April 17, 2018

ఢిల్లీ : ఆంధ్రప్రదేశ్ రాష్ట్రానికి జీవనాడి అయిన పోలవరం ప్రాజెక్టు నిర్మాణంపై ఒడిశా ప్రభుత్వం అభ్యంతరం వ్యక్తం చేస్తు సూట్ పిటీషన్ పై దేశ అత్యున్నత న్యాయంస్థానం విచారణ చేపట్టింది. ఈ నేపథ్యంలో గోదావరి ట్రైబ్యునల్ తీర్పుకు అనుగుణంగా నిర్మాణం జరగటంలేదని ఒడిశా ప్రభుత్వం వాదలను వినిపించింది. పర్యావరణ, అటవీ అనుమతులకు అనుగుణంగా నిర్మాణం జరగడంలేదని ఒడిశా వాదిస్తోంది. 36 లక్షల క్యూసెక్కులు కాకుండా 50 లక్షల క్యూసెక్యుల నీటి కోసం నిర్మాణం జరుగుతోందని ఒడశా తన వాదనలను వినిపించింది. కానీ అనుమతులకు అనుగుణంగా ప్రాజెక్టు నిర్మాణం జరుగుతోందని సుప్రీంకోర్టుకు ఏపీ ప్రభుత్వపు న్యాయవాది తెలిపారు. దీనిపై మూడు రోజుల్లో కేంద్ర జనవనరుల శాఖ కార్యదర్శి అఫిడవిట్ దాఖలు చేయాలని సుప్రీంకోర్టు ఆదేశాలు జారీచేసింది. అనంతరం తదుపరి విచారణను మే 2తేదీకి వాయిదా వేసింది. 

Don't Miss