పరిపూర్ణానందను బయటకు రానివ్వడం లేదు..

11:14 - July 9, 2018

హైదరాబాద్ : పరిపూర్ణానంద స్వామిని పోలీసులు ఇంటి నుండి బయటకు రానివ్వడం లేదు. ఫిల్మ్ నగర్ లోని ఆయన నివాసానికి సోమవారం వచ్చిన జూబ్లీహిల్స్ పోలీసులు గృహ నిర్భందం చేశారు. హిందూ ధర్మ యాత్రకు అనుమతి లేదని రాచకొండ కమిషనర్ ఆదేశాలు జారీ చేశారు. హైదరాబాద్ నుండి యాదాద్రి వరకు ఆయన యాత్ర చేపడితే శాంతిభద్రతలకు విఘాతం కలుగుతుందని పోలీసులు భావించి ఈ నిర్ణయం తీసుకున్నారు. సినీ క్రిటిక్ మహేష్ కత్తి చేసిన వ్యాఖ్యలను నిరసిస్తూ తాను హిందూ ధర్మ యాత్ర చేపడుతానని ఆదివారం పరిపూర్ణానంద స్వామి వెల్లడించిన సంగతి తెలిసిందే. బోడుప్పల్ నుండి యాదాద్రి వరకు ఈ యాత్ర ఉంటుందని..హిందువులందరూ యాత్రలో పాల్గొనాలని పిలుపునిచ్చారు. దీనితో పోలీసులు అప్రమత్తమయ్యారు. 

Don't Miss