ఆంధ్రా, కర్ణాటక రైతుల మధ్య వివాదం..

15:57 - October 11, 2017

అనంతపురం : జిల్లాలోని అగలి మండలంలో ప్రవహించే స్వర్ణముఖీ నదీ జలాల విషయంలో.. మరోసారి ఆంధ్రా, కర్ణాటక రైతుల మధ్య వివాదం చెలరేగింది. గత వారం రోజుల నుంచి కురుస్తున్న భారీ వర్షాలకు స్వర్ణముఖి నది ఉధృతంగా ప్రవహిస్తోంది. భారీగా నీరు ప్రవహించడంతో ఆంధ్రా చెరువులకు వచ్చే వంక కోతకు గురైంది. దీంతో అగలి మండల రైతులు వంకకు మరమ్మతులు చేప్టట్టడానికి కర్ణాటక సరిహద్దు ప్రాంతానికి వెళ్లారు. విషయం తెలుసుకున్న కర్ణాటక రైతులు అక్కడికి చేరుకొని.. మరమ్మతులు చేపట్టకూడదని ఆంధ్రా రైతులతో వాగ్వాదానికి దిగారు. కర్ణాటక రాష్ట్ర పోలీసులు అక్కడికి  చేరుకొని ఇరు రాష్ట్రాల రైతులను వారించారు. గతంలోనూ ఈ విషయమై రెండు రాష్ట్రాల మధ్య గొడవలు జరిగాయి.

 

Don't Miss