పలాస ఎమ్మెల్యే మౌన దీక్ష...

12:25 - August 1, 2018

శ్రీకాకుళం : టిడిపి నేతలు దీక్షలు చేపడుతున్నారు. ఇటీవలే టిడిపి నేత కన్నబాబు దీక్ష చేపట్టిన సంగతి తెలిసిందే. పార్టీ ఇన్ ఛార్జీ ఒంటెద్దు పోకడలను నిరసిస్తూ ఆయన దీక్ష చేపట్టిన సంగతి తెలిసిందే. తాజాగా అధికార పార్టీకి చెందిన ఎమ్మెల్యే మౌన దీక్ష చేపట్టడం చర్చానీయాంశమైంది. అధికారుల తీరును నిరసిస్తూ ఆయన దీక్ష చేపడుతున్నారు.

ఆఫ్ షోర్ జలాశయం పనుల పూర్తిలో జాప్యంపై పలాస ఎమ్మెల్యే గౌతు శ్యాంసుందర శివాజీ ఆగ్రహం వ్యక్తం చేస్తున్నారు. జులై 31వ తేదీ నాటికి పూర్తి కావాల్సిన జలాశయం పూర్తి కాకపోవడంపై ఆయన తీవ్ర అసంతృప్తి వ్యక్తం చేశారు. ఇప్పటికీ 50 శాతం కూడా పనులు పూర్తి కాకపోవడంపై అధికారుల తీరును నిరసిస్తూ ఆయన మౌన దీక్ష చేపట్టారు. టిడిపి పార్టీ కార్యాలయంలో ఆయన దీక్ష చేపట్టారు. ఆయనకు టిడిపి నేతలు సంఘీభావం ప్రకటించారు. 

Don't Miss