ప్రభుత్వంపై అధికార పార్టీ ఎమ్మెల్యే ఆగ్రహం

19:08 - July 31, 2018

శ్రీకాకుళం : సిక్కోలు జిల్లాలో ప్రభుత్వంపై అధికార పార్టీ ఎమ్మెల్యే ఆగ్రహం వ్యక్తం చేస్తున్నారు. హామీ నెరవేర్చని ప్రభుత్వానికి వ్యతిరేకంగా రేపు మౌన దీక్ష చేస్తానన్న ఎమ్మెల్యే గౌతు శ్యాంసుందర్‌ శివాజీ ప్రకటించారు. ఆఫ్‌షోర్‌ జలాశయం పనుల్లో జాప్యానికి నిరసనగా ఎమ్మెల్యే నిర్ణయం తీసుకున్నారు. జులై 31 నాటికి ప్రాజెక్టు పూర్తి చేస్తామని ప్రభుత్వం హామీ ఇచ్చి మాట మార్చిందన్నారు. గతంలో హామీ నెరవేర్చలేదంటూ.. గౌతు శ్యాంసుందర్‌ శివాజీ తలనీలాలు గడ్డం కత్తిరించుకోనని భీష్మించారు. అయితే అప్పట్లో శివాజీని ఒప్పించి తిరుపతిలో తలనీలాలు తీయించారు టీడీపీ నేతలు. ఇప్పుడు మౌన దీక్షకు మరోసారి సిద్ధమయ్యారు ఎమ్మెల్యే శివాజీ. ఆఫ్‌షోర్‌ జలాశయం పనులు 50శాతమైనా పూర్తి కాలేదని శివాజీ ఆగ్రహం వ్యక్తం చేశారు. శివాజీ నిర్ణయంతో టీడీపీ శ్రేణుల్లో కలకలం మొదలైంది. 

Don't Miss