కేసీఆర్ తెలంగాణ నెంబర్ వన్ ద్రోహి - ఉత్తమ్...

12:12 - October 11, 2018

హైదరాబాద్ : తెలంగాణ రాష్ట్రంలో అధికారంలో రావాలని కాంగ్రెస్ ఉవ్విళ్లూరుతోంది. త్వరలో రాష్ట్రంలో ఎన్నికలు జరుగనున్న నేపథ్యంలో టి.కాంగ్రెస్ ప్రచారం చేపడుతోంది. ఇతర పార్టీలతో కలిసి పొత్తులు కుదుర్చుకొనే పనిలో ఉంది. కానీ ఇంకా పార్టీ అభ్యర్థులను ఖరారు చేయలేదు. మరోవైపు పార్టీ సీనియర్ నేత వీహెచ్ ‘ఇందిరమ్మ విజయయాత్ర’ పేరిట యాత్ర చేపట్టారు. గురువారం నగరంలో జరిగిన యాత్రలో టి.పీసీసీ అధ్యక్షుడు ఉత్తమ్ పాల్గొన్నారు. ఈ సందర్భంగా ఆయన టీఆర్ఎస్ ప్రభుత్వంపై మరోసారి విరుచకపడ్డారు. తెలంగాణకు నంబర్ వన్ ద్రోహి ఎవరంటే కేసీఆర్ అని విమర్శలు చేశారు. కాంగ్రెస్..టిడిపి పొత్తు అంటే టీఆర్ఎస్ భయపడుతోందని..అడ్డగోలు మాటలు మాట్లాడుతున్నారని తెలిపారు. నాలుగున్నరేళ్ల పాటు రాష్ట్రానికి ద్రోహం చేశారని, ఇతర పార్టీలో ఉన్న వారిని మంత్రులుగా చేశారని..వీరు తెలంగాణ కోసం ఏం పోరాడాని ప్రశ్నించారు. నేరేళ్లలో దళితులను హింసించారని...రైతులకు బేడీలు వేశారని.. తెలంగాణ బిడ్డలను హింసించడం కాదా ? అని నిలదీశారు. కేసీఆర్ దుర్మార్గపు పాలన అంతమొందించాలని, డిసెంబర్ 12న తెలంగాణలో కాంగ్రెస్ పార్టీ ఏర్పడుతుందని ఉత్తమ్ ధీమా వ్యక్తం చేశారు. 

Don't Miss