ఎంపీ బీబీ పాటిల్ కు సంబంధం లేదంట..

16:33 - September 7, 2017

సంగారెడ్డి : ఎంపీ బీబీ పాటిల్ తో తమకు ఎలాంటి సంబంధం లేదని, బోర్గిలో రైతుల నుండి నేరుగా భూములు కొనుగోలు చేయలేదని పాటిల్ కన్ స్ట్రక్షన్ అండ్ ఇన్ ఫ్రాస్ట్రక్చర్ అధికారులు వెల్లడించారు. వీరు ఏర్పాటు చేసిన ప్రెస్ మీట్ రసాభాస అయ్యింది. ప్రెస్ మీట్ లో బయటి వ్యక్తులు వచ్చి ఎలా ఫొటోలు..వీడియోలు తీస్తారంటూ మీడియా ప్రతినిధులు ప్రశ్నించారు. తాము ప్రెస్ మీట్ ను బహిష్కరిస్తున్నట్లు వెల్లడించారు. అంతకుముందు ఆ భూములకు ఎంపీ బీబీ పాటిల్ కు సంబంధం లేదంటూ పాటిల్ కన్ స్ట్రక్షన్ కు చెందిన కొంతమంది పేర్కొన్నారు. భూములను రైతుల వద్ద కొనుగోలు చేయడం లేదని, శర్మ నుండి కొనుగోలు చేశామన్నారు. కానీ రైతులకు ఇంకా శర్మ డబ్బులివ్వలేదని..మీరు ఎలా కొనుగోలు చేస్తారని మీడియా ప్రశ్నకు వారు సమాధానం దాటవేసే ప్రయత్నం చేశారు. 

Don't Miss