బయోమెట్రిక్ ప్రాణం తీసింది...

17:43 - February 14, 2018

నిర్మల్ : జిల్లా కడం మండలంలో విషాదం జరిగింది. రేషన్‌ బియ్యం కోసం వెళ్లిన ఓ వృద్ధురాలు అక్కడే మృతి చెందిన ఘటన గంగాపూర్‌లో చోటు చేసుకుంది. వ్యవసాయ కూలీ అయిన లస్మవ్వ బియ్యం కోసం రేషన్‌ డీలర్‌ ఇంటికి వెళ్లగా ఈ పాస్‌ బయోమెట్రిక్‌ సిగ్నల్‌ లేకపోవడంతో నెట్‌ వర్క్‌ కోసం బిల్డింగ్‌ పైకి ఎక్కారు. వేలిముద్రల కోసం బిల్డింగ్‌ పైకి ఎక్కి దిగుతుండగా జారి పడి లస్మవ్వ అక్కడిక్కడే మృతి చెందింది. దీంతో వారి కుటుంబంలో విషాద ఛాయలు అలుముకున్నాయి. ఘటనా స్థలానికి చేరుకున్న పోలీసులు రెవెన్యూ అధికారులు విచారణ చేపట్టారు. మృతురాలి కుటుంబానికి న్యాయం జరిగేలా చర్యలు తీసుకుంటున్నట్లు తెలిపారు. అయితే గిరిజన గ్రామాల్లో ఈ పాస్‌ విధానాన్ని తొలగించి పాత పద్దతినే కొనసాగించాలని గిరిజనులు కోరుతున్నారు. 

Don't Miss