'కోహ్లీ' నిశ్చితార్థం..?

10:04 - December 30, 2016

ప్రముఖ క్రికేటర్ 'విరాట్ కోహ్లీ' నిశ్చితార్థం చేసుకోబోతున్నాడా ? ఇక దాగుడుమూతల స్టోరికీ చెక్ పెట్టనున్నాడా ? ఈ మేరకు ఏర్పాట్లన్నీ చకచకా సాగిపోతున్నాయా ? దీనిపై సోషల్ మీడియాలో తెగ ప్రచారం జరుగుతోంది. గత కొద్దికాలంగా టీమిండియా కెప్టెన్ 'విరాట్ కోహ్లీ'..బాలీవుడ్ నటి 'అనుష్క శర్మ' లు ప్రేమించుకుంటున్న సంగతి తెలిసిందే. వీరిద్దరూ కలిసి పలు వేడుకల్లో పాల్గొన్న సంగతి తెలిసిందే. దీనితో వీరి వివాహంపై ప్రచారం జరిగింది. కానీ వివాహం ఎప్పుడనేది ప్రకటించలేదు. తాజాగా క్రిస్మస్ సెలబ్రేషన్స్ కోసం ఈ ప్రేమ జంట ఉత్తరాఖండ్ కు వెళ్లారు. న్యూ ఇయర్ డే నాడు వీరిద్దరి ఎంగేజ్ మెంట్ జరుగుతుందని ప్రచారం జరుగుతోంది. ఉత్తరాఖండ్ లోని నరేంద్ర నగర్ ఆనందా హోటల్ లో ఈ వేడుక జరగనుందని టాక్. ఇప్పటికే ఏర్పాట్లు కూడా జరుగుతున్నట్లు వార్తలు వెలువడుతున్నాయి. ఈ ఇద్దరి ఎంగేజ్ హెంట్ కు బాలీవుడ్..క్రికెట్ సెలబ్రిటీలంతా హాజరు కానున్నట్లు తెలుస్తోంది. 'అనుష్క' కుటుంబీకులు..స్నేహితులు ఇప్పటికే ఉత్తరాఖండ్ చేరుకున్నట్లు సమాచారం. దీనిపై పూర్తి వివరాలు తెలియాల్సి ఉంది.

Don't Miss