అమర్ నాథ్ యాత్ర..మరో విషాదం..

21:30 - July 16, 2017

జమ్మూ కాశ్మీర్ : అమర్‌నాథ్‌ యాత్రలో మరో విషాదం నెలకొంది. లోయలో బస్సు పడటంతో 16 మంది మృతి చెందారు. గుజరాత్‌ నుంచి జమ్ము వస్తున్న బస్సు రాంబాన్‌ జిల్లాలోని జాతీయరహదారిపై అదుపుతప్పి బోల్తా పడింది. దాంతో 16 మంది మృతిచెందగా పలువురు తీవ్రంగా గాయపడ్డారు. ఈ ప్రమాదం జరిగిన సమయంలో బస్సులో 46 మంది ప్రయాణికులు ఉన్నారు. పోలీసులు, ఆర్మీ సిబ్బంది ఘటనాస్థలికి చేరుకుని సహాయక చర్యలు చేపట్టారు. క్షతగాత్రులను హెలికాప్టర్లలో చికిత్స నిమిత్తం ఆస్పత్రులకు తరలించారు. బస్సు అమర్‌నాథ్‌ యాత్రకు వస్తున్నట్లు ఎలాంటి బోర్డు పెట్టుకోలేదు. ఈ ఘటన వెనుక లష్కరే తోయిబా ఉగ్రవాదుల హస్తం ఉండవచ్చని పోలీసులు అనుమానిస్తున్నారు. అమర్‌నాథ్‌ యాత్రికుల ప్రమాద ఘటనపై ప్రధాని మోదీ దిగ్భ్రాంతి వ్యక్తంచేశారు. ప్రమాదంలో యాత్రికుల మృతి అత్యంత బాధాకరమని ప్రధాని ఆవేదన వ్యక్తంచేశారు. బస్సు ప్రమాదంలో మృతుల కుటుంబాలకు ప్రగాఢ సంతాపం ప్రకటించారు.

Don't Miss