ప్రైవేటు జెట్ విమానాన్ని కొన్న హీరో..

15:40 - April 21, 2017

హీరోలు పలు సినిమాలు చేస్తూ..వ్యాపారాలు నిర్వహిస్తూ రెండు చేతుల్లా డబ్బులను సంపాదించే ప్రయత్నం చేస్తుంటారు. వచ్చిన డబ్బులతో విలాసవంతమైన కార్లు..భవనాలు కొనుక్కొంటుంటారు. కానీ ఓ హీరో మాత్రం ఏకంగా ప్రైవేటు జెట్ విమానాన్ని కొనుక్కొన్నాడు. ‘ఉడ్తా పంజాబ్' సినిమాతో బాలీవుడ్ కు 'దిల్ జిత్ దోసాన్జ్' పరిచయమైన సంగతి తెలిసిందే. ఈ సినిమాకు ఫిలింఫేర్ అవార్డును సైతం దక్కించుకన్నాడు. అనంతరం అనుష్క శర్మ తెరకెక్కించిన 'ఫిల్హౌరి' సినిమాలో కూడా నటించాడు. తాజాగా ఓ ప్రైవేటు జెట్ విమానం కొనుగోలు చేయడం విశేషం. ఈ విషయాన్ని అతను ట్విట్టర్ ద్వారా అభిమానులతో షేర్ చేసుకున్నాడు. 'ప్రైవేటు జెట్ తో సరికొత్త ఆరంభం మొదలైంది'..అంటూ ట్వీట్ చేశారు. త్వరలోనే టీమ్ తో ప్రపంచమంతటా సంగీత కచేరీలు నిర్వహింబోతున్నట్లు తెలుస్తోంది.

Don't Miss