వ్యవసాయాన్ని పట్టించుకోని కేసీఆర్ : ఉత్తమ్

17:10 - April 28, 2017

సూర్యపేట : కేసీఆర్ మూడేళ్లపాటు వ్యవసాయాన్ని పట్టించుకోలేదని కాంగ్రెస్ టీపీసీసీ చీఫ్ ఉత్తమ్ కుమార్ రెడ్డి విమర్శించారు. సూర్యపేటలో ఆయన మీడియాతో మాట్లాడుతూ రైతులను నిర్లక్ష్యం చేశారని తెలిపారు. ఇప్పుడు ఎన్నికల కోసం రైతు జపం చేస్తున్నారని ఎద్దేవా చేశారు. ఆత్మహత్య చేసుకున్న రైతు కుటుంబాలను కేసీఆర్ పరామర్శించలేదన్నారు. టీఆర్ ఎస్ పట్ల ప్రజల్లో తీవ్ర వ్యతిరేకత ఉందని తెలిపారు. టీసర్కార్ ఘోర ఓటమి చూడబోతుందని జోస్యం చెప్పారు. కాంగ్రెస్ గెలుపు ఖాయమని ధీమా వ్యక్తం చేశారు. వచ్చే ఎన్నికల్లో పక్కా ప్రణాళికతో ముందుకెళ్తామని పేర్కొన్నారు. ఒకేసారి రూ.2 లక్షలు రైతు రుణమాఫీ చేస్తామని చెప్పారు. నిరుద్యోగులకు రూ.3 వేల నిరుద్యోగ భృతి ఇస్తామని చెప్పారు. 

 

Don't Miss