యూపీ సీఎం అభ్యర్ధిని ఎన్నుకోనున్న బీజేపీ శాసనసభాపక్షం

17:46 - March 18, 2017

లక్నో : ఉత్తరప్రదేశ్‌ ముఖ్యమంత్రి ఎవరన్నది కాసేపట్లో తేలనుంది. కొన్ని రోజులుగా కొనసాగుతున్న సస్పెన్స్‌కు తెరపడనుంది. యూపీ సీఎం అభ్యర్ధి ఎంపికకు ఆర్‌ఎస్‌ఎస్‌ నేరుగా రంగంలోకి దిగింది. సీఎం అభ్యర్ధిపై ఇప్పటికే ఆర్‌ఎస్‌ఎస్‌ నేత ఓపీ మాథూర్‌ బీజేపీ జాతీయ అధ్యక్షుడు అమిత్‌షాతో చర్చించారు. ఇదే సమయంలో తాను సీఎం రేసులో లేనట్లు కేంద్రమంత్రి మనోజ్‌సిన్హా  ప్రకటించారు. మరోవైపు యోగి ఆదిత్యనాథ్‌ను సీఎం చేయాలంటూ ఆయన మద్దతుదారులు ప్రదర్శన నిర్వహించారు. మరోవైపు మర్య పేరు కూడా సీఎం రేసులో ప్రముఖంగా వినిస్తోంది.  ఇదే సమయంలో యూపీ పరిశీలకుడిగా వెళ్లిన వెంకయ్య నాయుడు... కాసేపట్లో జరిగే బీజేపీ శాసనసభాపక్షం భేటీలో సీఎం అభ్యర్ధిని ఖరారు చేయనున్నారు.

 

Don't Miss