మాకొద్దీ జన్మభూమి ..

16:36 - January 9, 2017

నెల్లూరు : జిల్లా వెంకటగిరి రూరల్‌ మండలం పాళెంకోటలో జన్మభూమి కార్యక్రమాన్ని గ్రామస్తులు అడ్డుకున్నారు. అధికారులు గ్రామంలోకి రాకుండా రోడ్డుకు అడ్డంగా రాళ్లు, చెట్లు నరికి వేశారు. ప్రభుత్వానికి వ్యతిరేకంగా నినాదాలు చేశారు. గత జన్మభూమి కార్యక్రమంలో పెట్టుకున్న దరఖాస్తులకు ఇప్పటికీ అతీగతీ లేదన్నారు. అప్పటి చెప్పిన సమస్యలు ఇప్పటికీ పరిష్కరించని అధికారులు మళ్లీ జన్మభూమి పేరుతో వచ్చి ఏం ఉద్దరిస్తారని ఆగ్రహం వ్యక్తం చేశారు. రోడ్డుకు చెట్లు నరికి అడ్డంగా వేయడంతో అధికారులు మూడు గంటలపాటు గ్రామంలోకి వెళ్లలేదు. సమాచారం తెలుసుకున్న పోలీసులు గ్రామస్తులకు సర్దిచెప్పి.. జన్మభూమి కార్యక్రమం జరిగేలా చూశారు.

Don't Miss