డిసెంబర్ 16న 'వెంకీ' చిత్రం ప్రారంభం..

09:56 - November 28, 2015

వెంకటేష్‌, నయనతార ముచ్చటగా మూడవసారి కలిసి నటించబోతున్నారు. 'లక్ష్మీ', 'తులసి' చిత్రాల్లో జంటగా నటించిన ఈ ఇద్దరూ తాజాగా మారుతి దర్శకత్వంలో రూపొందబోయే చిత్రంలో నటిస్తున్నారు. ఎస్‌.రాధాకృష్ణ(చినబాబు) సమర్పణలో సితార ఎంటర్‌టైన్‌మెంట్‌ బ్యానర్‌పై ప్రొడక్షన్‌ నెం 2గా సూర్యదేవర నాగవంశి ఈ చిత్రాన్ని నిర్మించనున్నారు. ఈ సందర్భంగా నిర్మాత మాట్లాడుతూ, 'మా బ్యానర్‌లో వెంకటేష్‌, నయనతార జంటగా కొత్త చిత్రాన్ని నిర్మిస్తున్నాం. ఇటీవలే 'భలే భలే మగాడివోయ్' చిత్రంతో పెద్ద హిట్‌ను తన ఖాతాలో వేసుకున్న మారుతి ఈ చిత్రానికి దర్శకత్వం వహిస్తున్నారు. డిసెంబర్‌ 16న సినిమాను ప్రారంభించి అదే రోజు నుంచి షూటింగ్‌ జరుపనున్నాం. 'రన్‌ రాజా రన్‌', 'జిల్‌', 'ఉత్తమ విలన్‌', 'చీకటి రాజ్యం' వంటి చిత్రాలకు సంగీతమందించిన జిబ్రాన్‌ ఈ చిత్రానికి సంగీతమందిస్తున్నారు. ఈ చిత్రానికి ఇంకా టైటిల్‌ను నిర్ణయించలేదు. త్వరలో పూర్తి వివరాలు తెలియజేస్తాం' అని అన్నారు.

Don't Miss