బాక్సింగే నా ప్రపంచం అంటున్న 'వెంకీ'...

13:43 - January 11, 2017

'బాక్సింగే నా ప్రపంచం..ముందు బేసిక్ నేర్చుకో..' అంటూ 'వెంకీ' డైలాగ్స్ తో కూడిన 'గురు' ట్రైలర్ విడుదలైంది. రీమెక్ చిత్రాలకు కేరాఫ్ అడ్రస్ అయిన 'వెంకీ' ఈసారి వైవిధ్యమైన కథతో ముందుకొస్తున్నాడు. హిందీలో ఘన విజయం సాధించిన 'సాలా ఖదూస్' కు రీమెక్. ఇందులో ఫిమేల్ లీడ్ రోల్ లో 'రితికా సింగ్' నటిస్తోంది. సుధా కొంగర ప్రసాద్ డైరెక్ట్ చేస్తున్న ఈ మూవీకి ఎస్ ఎస్ థమన్ మ్యూజిక్ అందించారు. ఇటీవలే టీజర్ విడుదలైన సంగతి తెలిసిందే. తాజాగా సంక్రాంతి పండుగ నేపథ్యంలో ట్రైలర్ ను విడుదల చేశారు. 'మీరు నేను చెప్పిందే వింటారు.. చెప్పిందే తింటారు..ఇల్లు, వాకిలి, ప్రేమ, దోమ, చెత్తాచెదారం అన్ని పక్కనపెట్టి ఒళ్లొంచి ట్రై చేయండి'.. అంటూ వెంకీ డైలాగ్స్ ఉన్నాయి. ఈ చిత్రాన్ని జనవరి నెలలో విడుదల చేయడానికి చిత్ర యూనిట్ ప్రయత్నాలు చేస్తోంది.
'వెంకటేష్' ఎంతో ఊహించుకున్న 'బాబు బంగారం' తీవ్రంగా నిరాశపరిచింది. ఈ చిత్రం బడ్జెట్ ని రాబట్టగలిగింది కానీ ఈ చిత్రం వల్ల 'వెంకటేష్' కి ప్రత్యేకంగా ఒరిగింది మాత్రం ఏం లేదని చెప్పాలి. అందుకే 'గురు' రీమేక్ తో అయినా బాక్సాఫీసు వద్ద విక్టరీ నమోదు చేయాలని ఈ సీనియర్ స్టార్ కసిగా ఉన్నాడు. ఈ రీమేక్ తో అయిన 'వెంకీ' సోలోగా సూపర్ హిట్టు కొడుతాడో చూడాలి.

Don't Miss