వంగవీటితో విజయసాయిరెడ్డి భేటీ...

18:15 - October 10, 2018

విజయవాడ : పార్టీకి దూరంగా ఉంటూ అలకబూనిన వంగవీటి రాధను బుజ్జగించేందుకు వైసీపీ నేతలు రంగంలోకి దిగారు. గత కొద్ది రోజులుగా వంగవీటి రాధ పార్టీ తీరుపై తీవ్ర అసంతృప్తి వ్యక్తం చేస్తున్న సంగతి తెలిసిందే. విజయవాడ సెంట్రల్ బాధ్యతల నుండి వంగవీటిని తప్పించి ఆ స్థానాన్ని మల్లాది విష్ణుకు అప్పగించారు. దీనితో వంగవీటి అసంతృప్తి వ్యక్తం చేశారు. దీనిపై వంగవీటి అభిమానులు ఆందోళన కార్యక్రమాలు చేపట్టారు. పార్టీ కార్యక్రమాలకు...ఇతర వాటికి వంగవీటి దూరంగా ఉంటూ వస్తున్నారు. ఈ నేపథ్యంలో బుధవారం వైసీపీ నేత విజయసాయిరెడ్డి వంగవీటితో ఏకాంతంగా భేటీ అయ్యారు. సీటును మార్చడం వెనుక కారణాన్ని తెలియచేసినట్లు తెలుస్తోంది. అలక వీడాలని..పార్టీ ప్రతిష్టకు కృషి చేయాలని సూచించినట్లు సమాచారం. బందర్ పార్లమెంట్ నియోజవకర్గం, విజయవాడ తూర్పు నియోజకవర్గాలపై దృష్టి సారించాలని పేర్కొన్నట్లు సమాచారం. మరి విజయసాయిరెడ్డి బుజ్జగింపులు పని చేస్తాయా ? లేదా ? అనేది చూడాలి. 

Don't Miss