68 గంటలు..కోటి మంది వ్యూయర్స్...

13:30 - May 15, 2017

వరుస హిట్స్ తో తనదైన శైలిలో నటనతో అలరిస్తున్న సీనియర్ హీరో 'అజిత్' న్యూ మూవీ 'వివేగం' రికార్డులు సృష్టిస్తోంది. మాస్ స్పెషలిస్టు శివ దర్శకత్వంలో 'వివేగం' చిత్రం తెరకెక్కుతున్న సంగతి తెలిసిందే. అంతర్జాతీయస్థాయిలో వస్తున్న ఈ సినిమాపై భారీ అంచనాలు నెలకొన్నాయి. 11వ తేదీ అర్ధరాత్రి 12.01 గంటలకు విడుదలైన టీజర్ 12 గంటల వ్యవధిలోనే 'కబాలి' టీజర్ వ్యూస్ రికార్డును బద్ధలు కొట్టింది. తాజాగా 'కబాలి' టీజర్ కు సంబంధించిన మరో రికార్డూను సైతం దాటేసింది. ‘కబాలి' టీజర్ విడుదలైన 72గంటల్లో కోటి మంది వీక్షించారు. 68గంటల్లోనే కోటి మంది వ్యూయర్స్ 'వివేగం' టీజర్ ను తిలకరించారు. హాలీవుడ్ స్థాయిలో అద్భుతంగా రూపొందిన ఈ చిత్రంలో అజిత్ లుక్..డైలాగ్స్ లకు అభిమానులు ఫిదా అయిపోతున్నారు. ‘వివేగం' సృష్టిస్తున్న హంగామాతో అభిమానులు సంతోషం వ్యక్తం చేస్తూ సోషల్ మాధ్యమాల్లో పలు పోస్టులు చేస్తున్నారు. ఆగస్టులో వస్తున్న ఈ చిత్రం ఇంకా ఎలాంటి రికార్డులు సృష్టిస్తుందో వేచి చూడాలి.

Don't Miss