మహిళా రిజర్వేషన్ బిల్లు..మోక్షమెప్పుడు ?

17:32 - July 16, 2017

మహిళలు..అన్ని రంగాల్లో ప్రతిభ..ఆటో డ్రైవర్..క్రీడా రంగం..సినిమా రంగం..పరీక్షల్లో.. అన్ని రంగాల్లో మహిళల ప్రతిభ..కానీ వీరు మాత్రం మహిళా పురోగతికి..సాధికారితకు చిహ్నాలుగా మారిపోయారు..మహిళల పరిస్థితి ఎలా ఉంది ? ప్రస్తుత పరిణామాలు చూస్తే కడుదయనీయంగా ఉందనే విషయం తెలిసిందే. సామాజిక, ఆర్థిక, రాజకీయ, ఇతర అన్ని రంగాల్లో మహిళామణులు తీవ్ర వివక్షకు గురవుతూనే ఉన్నారు. ఇతర బిల్లులను పాస్ చేయించుకొనేందుకు ప్రయత్నాలు చేసే పాలకులు ఈ బిల్లు విషయంలో ఎందుకు చర్యలు తీసుకోవడం లేదు ?

మమ్మల్ని అధికారంలోకి రానివ్వండి..మా తడాఖా ఏంటో చూపిస్తాం..రైతులు..కార్మికులు..మహిళలు..అందరి సమస్యలు తీర్చేస్తాం..ప్రధానంగా మహిళల రిజర్వేషన్ బిల్లును తీసుకొచ్చి చూపిస్తాం..అంటూ ఎన్నికల కంటే ముందు పార్టీలు హామీల మీద హామీలు గుప్పిస్తుంటాయి. తమ సమస్యలు తీరుస్తారని ఆశించిన ప్రజలకు తీరని కలగానే మిగిలిపోతోంది. అందులో ప్రధానమైంది 'మహిళా రిజర్వేషన్ బిల్లు'. ఈ బిల్లు తేవడంలో వామపక్షాల పాత్ర అనిర్వచనీయం. దీనిపై కూడా బీజేపీ ప్రభుత్వం హామీలిచ్చింది. మూడేళ్లు గడిచిపోయాయి. కానీ ఆ హామీ మాత్రం ఎక్కడి గొంగళి అన్న చందంగానే మిగిలిపోయింది.

పార్లమెంట్ వర్షాకాల సమావేశాలు..
మళ్లీ పార్లమెంట్ వర్షాకాల సమావేశాలు మొదలు కాబోతున్నాయి. ప్రస్తుతం జరుగుతున్న ఈ సమావేశాల ఎజెండాలో ఈ బిల్లు లేకపోవడం ప్రాధాన్యత సంతరించుకుంది. ఇతర అంశాలతో పాటు మహిళా రిజర్వేషన్ బిల్లు సంగతిని ప్రశ్నించాలని డిమాండ్స్ వినిపిస్తున్నాయి. దీనిపై ఇప్పటికే సీపీఎం గళమెత్తుతోంది. బిల్లును ఆమోదించాలని..ఒక నిర్ణయం తీసుకోవాలంటూ ర్యాలీలు..ప్రదర్శనలు నిర్వహిస్తున్నాయి. చాలా కాలంగా పెండింగ్ లో ఉందని..ప్రభుత్వాలు మారుతున్నాయి..కానీ ఈ బిల్లుకు మోక్షం లభించడం లేదనే విమర్శలు వినిపిస్తున్నాయి. 1996లో ప్రవేశ పెట్టిన బిల్లు అనేక అభ్యంతరాలు..వివాదాలతో ఇన్నాళ్లు కూడా ఆమోదానికి లేకుండా చేశారు. ముఖ్యంగా బీజేపీ, కొన్న ప్రాంతీయ పార్టీలు ఈ బిల్లుకు అభ్యంతరాలు పెట్టడం దురదృష్టకరమని, మహిళా రిజర్వేషన్ బిల్లుకు..ఇతర వాటికి లింక్ పెడుతున్నారని వామపక్ష నేతలు పేర్కొంటున్నారు.

2014 ఎన్నికల సమయం..
2014 ఎన్నికల సమయంలో బీజేపీ మహిళా రిజర్వేషన్ బిల్లుపై హామీనిచ్చిన సంగతి తెలిసిందే. ఈ బిల్లు రాజ్యసభలో ఆమోదం పొంది..లోక్ సభలో పెండింగ్ లో ఉంది. ప్రస్తుతం లోక్ సభలో బీజేపీ పార్టీకి సంపూర్ణ మద్దతు ఉంది. కానీ ఆమోదించేందుకు మాత్రం మోడీ సర్కార్ అడుగులు వేయడం లేదు. ఎందుకని ? దీనిపై ప్రశ్నిస్తే మాత్రం సరికొత్త భాష్యాలకు తెరతీస్తున్నారు. ఇతర బిల్లుల విషయాల్లో ప్రతిపక్షాలతో చర్చించే పాలకపక్షం ఈ విషయంలో ఎందుకు నిర్ణయం తీసుకోవడం లేదనే ప్రశ్నలు వినిపిస్తున్నాయి..

వామపక్షాల కీలక పాత్ర..
మహిళా రిజర్వేషన్‌ (108వ రాజ్యాంగ సవరణ) బిల్లు 2008లో రాజ్యసభలో ప్రవేశపెట్టడం జరిగింది. వామపక్షాల మద్దతుతో ఉన్న యుపిఎ-1 ప్రభుత్వం ఈ బిల్లును తెచ్చినా ఇందులో వామపక్షాల పాత్ర అనిర్వచనీయమని అందరికీ తెలిసిందే. లోక్‌సభలోనూ, రాష్ట్రాల శాసన సభల్లోనూ మహిళలకు 33 శాతం రిజర్వేషన్లు కల్పించడమే ఈ బిల్లు ముఖ్యోద్దేశం. రాజ్యాంగ సవరణ బిల్లు ద్వారా సగభాగంగా ఉన్న మహిళలకు కనీసం 33 శాతం సీట్లను చట్ట సభల్లో కేటాయించగలిగినప్పుడు పరిస్థితిలో మార్పు వస్తుందని విశ్లేషకులు అభిప్రాయాలు వ్యక్తం చేస్తున్నారు. ప్రస్తుతం జరిగే పార్లమెంట్ సమావేశాల్లో 'మహిళా రిజర్వేషన్ బిల్లు' తెస్తారా ? లేదా ? అనేది చూడాలి.

పుట్టిన దగ్గర నుండి పోయే వరకూ మహిళ వివక్షకు గురవుతూనే ఉంది.
మహిళలకు సరైన ప్రాతినిధ్యం కల్పించడం..దేశాభివృద్ధిలో భాగస్వామ్యం చేయగలిగితే అతిపెద్ద ప్రజాస్వామ్య వ్యవస్థ అని చెబుతున్న దేశంలో మార్పులు చోటు చేసుకొనే అవకాశం ఉంది...

Don't Miss