ఫిఫా వరల్డ్‌కప్‌ ఫైనల్స్‌కు దూసుకెళ్లిన ఫ్రాన్స్‌

08:08 - July 11, 2018

ఢిల్లీ : ఫిఫా వరల్డ్‌కప్‌ ఫైనల్స్‌కు ఫ్రాన్స్‌ దూసుకెళ్లింది. సెమీస్‌లో ఆ జట్టు 1..0 తేడాతో బెల్జియాన్ని మట్టికరిపించింది. దీంతో సంచలన విజయాలతో ఫుట్‌బాల్‌ సెమీస్‌కు దూసుకొచ్చిన బెల్జియం ఫైనల్‌ ఆశలకు గండి పడింది. కీలకమైన పోరులో బలమైన ఫ్రాన్స్‌ ఆ జట్టును  సెమీస్‌లో చిత్తు చేసింది. మెగా టైటిల్‌ ముద్దాడాలన్న బెల్జియం దూకుడుకు అడ్డుకట్ట వేసింది. గడిచిన 12 ఏళ్లలో ఫ్రాన్స్ ఫైనల్స్ చేరడం ఇదే మొదటిసారి. రెండు జట్లు హోరాహోరీగా పోరాడటంతో సెమీస్‌లో తొలి అర్థభాగం వరకు ఒక్క గోల్‌ కూడా నమోదు కాలేదు. ప్రత్యర్థులిద్దరూ చక్కని డిఫెన్స్‌తో ఆకట్టుకున్నారు. అయితే 51వ నిమిషంలో శామ్యూల్‌ ఉమ్‌టీటీ అద్భుతమైన హెడల్‌తో బంతిని గోల్‌పోస్ట్‌లోకి  పంపించి ఫ్రాన్స్‌ను 1..0తో ఆధిక్యంలో నిలిపాడు.  చివర్లో బెల్జియం గోల్‌కోసం విపరీతంగా ప్రయత్నించినా... ఫ్రాన్స్‌ చాకచక్యంగా అడ్డుకుంది. ఇక ఇవాళ మరో సెమీస్‌లో ఇంగ్లాండ్‌తో క్రొయేషియా తలపడుతుంది. 

 

Don't Miss