ఆకలి కేకలు... ఆగేదెన్నడు?

11:16 - October 17, 2018

ఢిల్లీ : ఆకలి లేదా పోషకాహార లోపం వల్ల ప్రతి ఐదు నుంచి పది క్షణాలకు ఒకరు చొప్పున బాలలు మరణిస్తున్నారని ఐక్యరాజ్య సమితి ఆహార విభాగం హెచ్చరించింది.  ఈ సమస్యను అత్యవసరంగా పరిష్కరించాల్సిన అవసరం ఉందని స్పష్టం చేసింది. ఉత్పత్తి క్రమంలో, వంట గదుల్లో ఎంతో ఆహారం వృథా అవుతున్నదని వివరించింది.  ప్రపంచ ఆహార దినోత్సవం సందర్భంగా రోమ్‌ నగరంలో జరిగిన కార్యక్రమంలో ఐక్యరాజ్యసమితి ఆహార కార్యక్రమం  అధిపతి డేవిడ్‌  బీలే పాల్గొన్నారు.  ఈ సందర్భంగా మాట్లాడిన ఆయన.. ఓ పీడ కల రాబోతున్నదని, ఓ తుపాను మన ముందున్నదని ఆకలిని గూర్చి వ్యాఖ్యానించారు. ప్రపంచంలోని 15.5 కోట్ల మంది బాలలు పోషకాహార లోపంతో బాధపడుతున్నారని చెప్పారు. సూక్ష్మపోషకాల లోపంతో 200 కోట్ల మంది బాధపడుతుండగా, 60 కోట్ల మంది స్థూలకాయులుగా ఉన్నారని తెలిపారు. 

Don't Miss