పవన్ ను జగన్ ఏమన్నారో తెలుసా ?

20:26 - April 6, 2018

గుంటూరు : జనసేన అధ్యక్షుడు పవన్ కళ్యాణ్ పై వైసీపీ అధ్యక్షుడు జగన్ విమర్శలు గుప్పించారు. ప్రత్యేక హోదా..విభజన హామీలు కోరుతూ వైసీపీ ఎంపీలు రాజీనామా చేసిన సంగతి తెలిసిందే. ఈ సందర్భంగా సంగం జాగర్లమూడిలో ప్రెస్ మీట్ నిర్వహించారు. అనంతరం ఓ విలేకరి అడిగిన ప్రశ్నకు ఆయన సమాధానం ఇచ్చారు. గత నాలుగేళ్లుగా పవన్ ఏం చేశారని ప్రశ్నించారు. ఆరు నెలలకొకసారి బయటకు వచ్చి ఒక ట్వీట్...ఒక ప్రెస్ మీట్ చేస్తారన్నారు. బాబుకు సపోర్టు ఇచ్చే విధంగా ఒక మీటింగ్ పెట్టి కనబడుతాడని..అనంతరం కనబడడని తెలిపారు. ఒక్క మాటలో చెప్పాలంటే సినిమా తక్కువ ఇంటర్వెల్ ఎక్కువ అని ఎద్దేవా చేశారు. 2014లో బాబుకు... బీజేపీకి ఓటేయాలని పిలుపునిచ్చి రాష్ట్రం ముంచెత్తడంలో పవన్ పాత్ర లేదా ? అని సూటిగా ప్రశ్నించారు. ప్రస్తుతం ఇదే మేధావి భిన్నంగా స్పందిస్తున్నాడని తెలిపారు. హోదాపై జైట్లీ వ్యాఖ్యల అనంతరం పవన్ ఎలాంటి స్పందన వ్యక్తం చేయలేదని, ఆనాడు ఏం చేశాడని నిలదీశారు. 

Don't Miss