పాక్ సమస్యలకు పరిష్కారం ఇదే...

19:12 - October 1, 2018

పాకిస్థాన్ : పాకిస్థాన్ లో వున్న పలు సమస్యలకు బీజేపీ నేత సుబ్రహ్మణ్యస్వామి చిటికెలో పరిష్కారాన్ని చెప్పేశారు. పేదిరకం,ఉగ్రవాదం, సైస్యం పెత్తనం వంటి సమస్యలు పోవాలంటే పాకిస్థాన్ ను నాలుగు ముక్కలు చేయడమే ఆ దేశానికి పరిష్కారమన్నారు. ‘‘పాకిస్తాన్‌కు ఒకే ఒక్క మార్గం ఉంది. బలోచ్‌లు పాకిస్తాన్‌తో కలిసి ఉండేందుకు ఇష్టపడడం లేదు. సింధీలు, పస్తూన్లది కూడా అదే దారి. కాబట్టి పాకిస్తాన్‌ను బలోచ్, సింద్, పస్తూన్ మూడింటితో పాటు అవశేష పశ్చిమ పంజాబ్‌గా విడగొట్టాలి....’’ అని స్వామి పేర్కొన్నారు. ఐక్యరాజ్య సమితిలో పాకిస్తాన్ గురించి మాట్లాడుతూ విదేశాంగ మంత్రి సుష్మా స్వరాజ్ సమయం వృధా చేసుకోవద్దనీ.. భారత్ తిట్టినప్పుడల్లా పాకిస్తాన్ వెర్రి ఆనందం పొందుతుందన్నారు. ‘‘పాకిస్తాన్‌ను పక్కనపడేసి మన సైన్యాన్ని సన్నద్ధం చేసుకోవాలి. అదనుచూసి ఒకరోజు దాన్ని నాలుగు ముక్కలుచేస్తే సరి...’’ అని స్వామి వ్యాఖ్యానించారు. కాగా పాకిస్తాన్ సీమాంతర ఉగ్రవాదం, మానవ హక్కుల ఉల్లంఘపై ఇటీవల సుష్మా స్వరాజ్‌ ఐరాసలో లేవనెత్తిన నేపథ్యంలోనే స్వామి ఈ వ్యాఖ్యలు చేయడం గమనార్హం. 

Don't Miss