Breaking News

[7 : 57]

దసరా నవరాత్రి ఉత్సవాల కోసం విజయవాడలో దుర్గగుడి పాలకమండలి సమావేశం పలు కీలక నిర్ణయాలను తీసుకుంది. దసరా ఉత్సవాల్లో జరిగే పూజలు, హోమాల టికెట్‌ ధరలను పాత ధరలకే విక్రయించాలని నిర్ణయించింది. 

[10 : 05]

తిరుపతి : ఆర్థిక ఇబ్బందులతో టిటిడి కాంట్రాక్టు కార్మికుడు గంగాధర్ ఆత్మహత్యకు పాల్పడ్డాడు. రుయాలో చికిత్స పొందుతూ గంగాధర్ మృతి చెందాడు. కుమారుని మృతిని తట్టుకోలేక తల్లి కూడా ఆత్మహత్యకు పాల్పడింది. 

[10 : 03]

మేడ్చల్ : జవహార్ నగర్ పరిధిలో యాప్రాల్ లో శ్రీ చైతన్య స్కూల్ లో మంటలు చెలరేగాయి. అప్రమత్తమైన డ్రైవర్ వెంటనే బస్సును ఆపివేశారు. 

[11 : 48]

హైదరాబాద్ : లుంబినిపార్క్, గోకుల్ చాట్ లో జరిగిన జంట పేలుళ్ల కేసులో ప్రత్యేకన్యాయస్థానం ఇద్దరిని దోషులుగా తేల్చింది. ఏ 1, ఏ2 లను దోషులగా తేల్చింది. ఇస్మాయిల్ చౌదరి, షఫీద్ లను దోషులుగా నిర్ధారించింది. ఆధారాలు లేవని న్యాయమూర్తి మరో ముగ్గురిని నిర్ధోషులుగా తేల్చారు. 

 

[9 : 46]

హైదరాబాద్ : పాతబస్తీ మీర్ ఆలాం చైక్ లోని నిజాం మ్యూజియంలో చోరీ కేసులో దర్యాప్తు కొనసాగుతోంది. ముగ్గురు చోరీకి పాల్పడినట్లు పోలీసులు ప్రాథమిక అంచనాకు వచ్చారు. ఈ కేసులో సీసీటీవీ ఫుటేజీ కీలకంగా మారింది.

[9 : 42]

రాజస్థాన్ : జోధ్ పూర్ సమీపంలో ఆర్మీ విమానం కూలింది. ఘటనాస్థలికి చేరుకున్న అగ్నిమాపకసిబ్బంది మంటలార్పుతున్నారు.

 

[9 : 37]

కృష్ణా : జగ్గయ్యపేట మండలం రావిరాల గ్రామంలో దారుణం జరిగింది. భార్యను భర్త రాడ్ తో కొట్టి హత్య చేశాడు. హత్య చేసిన అనంతరం భర్త సుందరరావు పోలీస్ స్టేషన్ లో లొంగిపోయారు. వేరొకరితో వివాహేతర సంబంధం పెట్టుకుందని అనుమానిస్తున్నారు. 

 

[9 : 33]

వికారాబాద్ : పూడూరు మండలం మన్నెగూడ వద్ద రోడ్డు ప్రమాదం జరిగింది. లారీ, ఆర్టీసీ బస్సు ఢీకొన్నాయి. ఈ ప్రమాదంలో 15 మందికి గాయాలయ్యాయి.

[9 : 24]

హైదరాబాద్ : మూడురోజుల విరామం తర్వాత నేటి నుంచి యధావిధిగా కంటివెలుగు వైద్య శిభిరాలు నిర్వహించనున్నారు. ఆధార్ కార్డు లేని వారికి కూడా కంటి పరీక్షలు చేయనున్నారు.

 

[9 : 20]

విజయనగరం : నేడు దత్తిరాజేరు మండలం దత్తి గ్రామంలో నిర్వహించనున్న గ్రామదర్శిని కార్యక్రమంలో మంత్రి వెంకటరావు పాల్గొననున్నారు. మరడాంలో 400 కేవీ విద్యుత్ సబ్ స్టేషన్ ను ప్రారంభించనున్నారు. 

 

[8 : 31]

హైదరాబాద్ : నగరంలోని లుంబినిపార్క్, గోకుల్ చాట్ లలో ఉగ్రదాడి.. దేశవ్యాప్తంగా సంచలనం సృష్టించింది. జంట బాంబు పేలుళ్లతో నగరం ఒక్కసారిగా ఉలిక్కిపడింది. నగర ప్రజలు భయకంపితులయ్యారు. జంట పేలుళ్ల కేసులో..  మొత్తం 42 మంది మృత్యువుఒడిలోకి వెళ్లిపోయారు.

[7 : 16]

విశాఖ : నేడు 254వ రోజు వైసీపీ అధినేత జగన్ ప్రజా సంకల్పయాత్ర జరుగనుంది. జోగన్నపాలెం నుంచి నేడు పాదయాత్ర ప్రారంభం కానుంది. రామచంద్రాపురం, బొట్టవానిపాలెం, కె.సంతపాలెం, చంద్రయ్యపేటలో జగన్ పాదయాత్ర చేయనున్నారు. 

[7 : 13]

చిత్తూరు : తిరుమలలో నేడు ఉట్లోత్సవం జరుగనుంది. ఉట్లోత్సవం సందర్భంగా పలు ఆర్జిత సేవలు రద్దు చేయనున్నారు. శ్రీదేవి, భూదేవి సమేత మలయప్పస్వామి నేడు మాడ వీధుల్లో ఊరేగనున్నారు. 

 

[7 : 08]

ప.గో : నేడు చింతలపూడిలో సీఎం చంద్రబాబు పర్యటించనున్నారు. పలు అభివృద్ధి కార్యక్రమాలకు సీఎం శంకుస్థాపన చేయనున్నారు.

 

[7 : 06]

హైదరాబాద్ : ఎన్నికల ప్రచారానికి టీఆర్ ఎస్ ఎమ్మెల్యేలు సిద్ధమవుతున్నారు. టీఆర్ ఎస్ భవన్ లో నేడు ప్రచార రథాన్ని కేటీఆర్ ప్రారంభించనున్నారు. నాగర్ కర్నూల్ ఎమ్మెల్యే మర్రి జనార్థన్ రెడ్డి ప్రచారం సిద్ధమైంది. 

 

[19 : 37]

అమరావతి : పెండింగ్ ప్రాజెక్టులకు సంబంధించి సీఎం చంద్రబాబు మాట్లాడుతు..రాబోయే రోజుల్లో 47 ప్రాజెక్టులకు టెండర్లు పిలుస్తామని చెప్పారు.

[19 : 36]

అమరాతి : పూర్తయిన ప్రాజెక్టులకు వరుస ప్రారంభోత్సవాలు జరిపేలా కసరత్తులు ప్రారంభించామని సీఎం చంద్రబాబు నాయుడు తెలిపారు.

[19 : 33]

అమరావతి : రెండు కోట్ల ఎకరాలకు నీరిచ్చే లక్ష్యంతో పని చేయాలని సంబంధిత అధికారులను సీఎం చంద్రబాబు ఆదేశించారు.

[18 : 11]

ముంబై : స్టాక్ మార్కెట్లు ఊహించని రీతిలో కుప్పకూలాయి. చివరి గంటల్లో అమ్మకాల జోరు వెల్లువెత్తడంతో దేశీయ మార్కెట్లు భారీ నష్టాలను చవిచూశాయి. సెన్సెక్స్ 332 పాయింట్లు దిగజారి 38,312 వద్ద స్థిరపడగా, నిఫ్టీ 98 పాయింట్ల నష్టంతో 11,582 పాయింట్ల వద్ద ముగిశాయి.

[17 : 50]

తమిళనాడు : కోయంబత్తూరులో ఉగ్రసంస్థ ఇస్లామిక్ స్టేట్ ఆఫ్ ఇరాక్ అండ్ సిరియా కలకలం చెలరేగింది. కోయంబత్తూరులో ఈ రోజు పోలీసులు ఐదుగురు ఐసిస్ సానుభూతిపరులను అరెస్ట్ చేశారు.

[16 : 29]

బ్రెజిల్‌ : రియో డి జెనీరోలో ఉన్న 200 ఏళ్ల నాటి పురాతన నేషనల్ మ్యూజియంలో భారీ అగ్నిప్రమాదం సంభవించింది. ఈ మ్యూజియంలో మొత్తం అత్యంత అరుదైన 20 మిలియన్ వస్తువులు ఉండడంతో సర్వత్ర ఆందోళన వ్యక్తమవుతోంది. ప్రమాద ఘటనపై బ్రెజిల్ అధ్యక్షుడు మైఖేల్ టెమెర్ ట్వీట్ చేస్తూ..

[14 : 36]

హైదరాబాద్ : తన అభిప్రాయాలను నిర్మొహమాటంలో తెలిపే సీపీఐ నారాయణ నిన్న ప్రగతి నివేదన సభపై తన అభిప్రాయాన్ని వెల్లడించారు.

[14 : 31]

విశాఖపట్నం : డ్రంకెన్ డ్రైవ్ పరీక్షలు ఎవరికి నిర్వహిస్తారు? వాహనం నడిపే డ్రైవర్లకే కదా? మరి వాహనం నడిపేవారికి తప్ప వాహనంలో వుండేవారికి చేస్తే ఎలా వుంటుంది? కానీ విశాఖపట్నంలో ఓ విచిత్రం జరిగింది.

[14 : 23]

విజయవాడ : హిందూ దేవుళ్లపై వివాదాస్పద వ్యాఖ్యలు చేసిన ప్రముఖ సినీ విమర్శకుడు కత్తి మహేశ్ ను పోలీసులు హైదరాబాద్ నుంచి బహిష్కరించిన సంగతి తెలిసిందే. ఈ నేపథ్యంలో గత కొంత కాలంగా మహేశ్ బెంగళూరులో ఉంటున్న క్రమంలో మాట్లాడుతూ..

[13 : 35]

విజయవాడ : నగరంలో ఛైన్ స్నాచర్లు రెచ్చిపోతున్నారు. గుణజల సత్యనారాయణపురంలో వరుస స్నాచింగ్లు జరుగుతున్నాయి. ఛైన్ స్నాచర్ల సీసీ ఫుటేజ్ ను పోలీసులు విడుదల చేశారు. 

[13 : 23]

హైదరాబాద్ : కాంగ్రెస్ నేతలు కళ్లు లేని కబోదలని, టీఆర్ఎస్ నిర్వహించిన ప్రగతి నివేదన సభపై కాంగ్రెస్ విమర్శలు చేయడాన్ని ఆయన తప్పుబట్టారు. కాంగ్రెస్ నేతలు కళ్ల పరీక్షలు చేయించుకోవాలని హితవు పలికారు.

[12 : 25]

విజయవాడ : టెక్నాలజీ రెండు కుటుంబాల మధ్య పంతాలకు దారితీసింది. కనెక్షన్‌ మేనేజర్‌ అనే యాప్‌ పెళ్లి కొడుకు, పెళ్లి కూతురుల మధ్య చిచ్చు పెట్టింది. పళ్లి కూతురుకు తెలియకుండా వరుడు నాగశ్రీను ఆమె మొబైల్‌లో యాప్‌ను ఇన్‌స్టాల్‌ చేశాడు. యాప్‌ పెళ్లి కూతురు ఎవరితో మాట్లాడుతుందో..

[12 : 19]

హైదరాబాద్‌ : రామాంతపూర్‌లో విద్యుత్ ప్రమాదం జరిగింది. కరెంటు స్తంభంపై ఉండగానే విద్యుత్‌ కార్మికునికి మంటలు అంటుకొని తీవ్రంగా గాయపడ్డాడు. స్తంభంపైనే మంటల్లో కాలిపోతున్న కార్మికుడిని కర్రలతో కొట్టి కిందకు దింపారు స్థానికులు. అనంతరం చికిత్స నిమిత్తం ఆస్పత్రికి తరలించారు.

[10 : 33]

నల్గొండ : నాగార్జున సాగర్ ప్రాజెక్టుకు వరద కొనసాగుతోంది. ఇన్ ఫ్లో 71,102, ఔట్ ఫ్లో 32,669 ఉండగా ప్రస్తుత నీటి మట్టం 586.80 అడుగులుగా ఉంది. పూర్తిస్థాయి నీటి మట్టం 590 అడుగులుగా ఉంది. నేడు, రేపు మరోసారి గేట్లు ఎత్తివేసే అవకాశం ఉంది.

 

[10 : 33]

ప్రకాశం : హనుమంతరాయుని పల్లెలో భారత సైన్య నిషేధిత మారణాయుధాలను పోలీసులు లభ్యం చేసుకున్నారు. పోలీసులు విచారణ చేపట్టారు. 

[9 : 04]

చిత్తూరు : పుంగనూరు మండలం హనుమంతరైదిన్నెలోని ధనియాల గౌడోన్ లో అగ్నిప్రమాదం చోటు చేసుకుంది. అగ్నిమాపక సిబ్బంది మంటలను ఆర్పుతున్నారు. రూ. 2.5 కోట్ల ఆస్తి నష్టం జరిగినట్లు అంచన.

[9 : 01]

మధ్యప్రదేశ్ : రాష్ట్ర ముఖ్యమంత్రి శివరాజ్ సింగ్ చౌహాన్ నిరసన సెగ తగిలింది. జన్ ఆశ్వీరాద్ యాత్ర నిర్వహిస్తున్న ఆయనకు ఆందోళనకారులు నల్ల జెండాలతో నిరసన తెలిపారు. 

[8 : 23]

కర్నాటక : 102 పట్టణ స్థానిక సంస్థల ఎన్నికల కౌంటింగ్ కొద్దిసేపట్లో ప్రారంభం కానుంది. ఆగస్టు 31న ఈ ఎన్నికలు జరిగాయి. కల్బుర్గిలో ఈవీఎంలను భద్రపరిచారు. 

[7 : 48]

మథుర : నేడు కృష్ణాష్టమి సందర్భంగా ప్రముఖ ఆలయమైన జన్మభూమి ఆలయంలో భక్తులు ప్రత్యేక పూజలు నిర్వహిస్తున్నారు. 

[7 : 45]

జమ్మూ కాశ్మీర్ : పుల్వామా జిల్లాలో ఆర్మీ బలగాలు, స్థానిక పోలీసులు, సీఆర్పీఎఫ్ బలగాలు కార్డన్ సెర్చ్ నిర్వహించాయి. పూర్తి వివరాలు తెలియాల్సి ఉంది. 

[7 : 17]

చిత్తూరు : తిరుమల శ్రీవేంకటేశ్వర స్వామివారికి ఈఏడాది రెండు బ్రహ్మోత్సవాలు జరగనున్నాయి. సెప్టెంబరు 13 నుంచి 21 వరకూ వార్షిక బ్రహ్మోత్సవాలు, అక్టోబరు 10 నుంచి 18 వరకూ నవరాత్రి బ్రహ్మోత్సవాలను అత్యంత వైభంగా నిర్వహించేందుకు టీటీడీ ఏర్నాట్లు చేస్తోంది.

[6 : 33]

విశాఖపట్టణం : వైసీపీ అధ్యక్షుడు జగన్ చేపట్టిన ప్రజా సంకల్ప పాదయాత్ర కొనసాగుతోంది. 253వ రోజు మాడుగుల నియోజకవర్గంలో జగన్ పాదయాత్ర కొనసాగనుంది. ఎ.భీమవరం, పడుగుపాలెం, ఎం.కోడూరు, కె.కోటపాడు, జోగన్నపాలెంలో పాదయాత్ర జరుగనుంది. 

[6 : 31]

గుంటూరు : నేడు జిల్లాలో ముగ్గురు మంత్రులు పర్యటించనున్నారు. డిప్యూటీ సీఎం కేఈ, మంత్రులు లోకేష్, పుల్లారావులు పర్యటించనున్నారు. 

[6 : 30]

నల్గొండ : యాదాద్రిలో కృష్ణాష్టమి సందర్భంగా పలు కార్యక్రమాలు జరుగనున్నాయి. 5వ తేదీన బాలాలయం ఎదుట ఉట్లోత్సవం జరుగనుంది. 

[6 : 29]

హైదరాబాద్ : నేటి నుండి ఆయూష్ కన్వీనర్ కోటా సీట్ల భర్తీ ప్రక్రియ మొదలు కానుంది. ప్రభుత్వ, ప్రైవేటు ఆయుష్ కాలేజీల్లో 2018-19 ఏడాదికి జీఎన్వైసీ కోర్సుల్లో ఏ కోటా సీట్ల భర్తీ చేయనున్నారు. 

[6 : 27]

హైదరాబాద్ : దేశ వ్యాప్తంగా నేడు కృష్ణాష్టమి పర్వదినాన్ని జరుపుకుంటున్నారు. వైష్ణవ ఆలయాల్లో నేడు ప్రత్యేక పూజలు నిర్వహిస్తున్నారు. 

[6 : 26]

ఢిల్లీ : ఐదు టెస్టుల సిరీస్ ను 3-1 తేడాతో ఇంగ్లండ్ కైవసం చేసుకుంది. ఇంగ్లండ్ తొలి ఇన్నింగ్స్ 246..రెండో ఇన్నింగ్స్ 271. భారత్ తొలి ఇన్నింగ్స్ 273, రెండో ఇన్నింగ్స్ 184.

[20 : 28]

హైదరాబాద్ : సభను చూస్తుంటే 18 ఏళ్ల నాటి సంఘటనలు గుర్తుకొస్తున్నాయని సీఎం కేసీఆర్ అన్నారు. ప్రగతి నివేదన సభలో ఆయన ప్రసంగించారు. గిరిజన గుడాలు, లంబాడీ తండాల నుంచి తరలివచ్చిన అందరికీ వందనం తెలిపారు. అప్పటి సీఎం విద్యుత్ ఛార్జీలు పెంచితే రైతులు తల్లడిల్లిపోయారని తెలిపారు.

[19 : 40]

రంగారెడ్డి : నాలుగేళ్ల పాలనలో తాము ఏ ప్రగతినైతే చేశామో అది చెప్పేందుకే ప్రగతి నివేదన సభ ఏర్పాటు చేశామని కే.కేశవరావు అన్నారు. ప్రగతి నివేదన సభలో ఆయన ప్రసంగించారు. ప్రజాస్వామ్యంలో నిజమైన రాజులు ప్రజలేనని చెప్పారు. 500 పథకాలు ప్రవేశట్టామని తెలిపారు.

[19 : 24]

హైదరాబాద్ : ఇంత పెద్ద ఎత్తున రంగారెడ్డి జిల్లాలో ప్రగతి నివేదన సభ జరగడం తమకు చాలా సంతోషమని మంత్రి పట్నం మహేందర్ రెడ్డి అన్నారు. కొంగరకలాన్ లో జరుగుతున్న ప్రగతి నివేదన సభలో ఆయన ప్రారంభోపన్యాసం చేశారు. సభకు ప్రజలు పెద్ద ఎత్తున వచ్చారని..వారందరికీ ధన్యవాదాలు తెలిపారు. 

[18 : 08]

రంగారెడ్డి : బేగంపేట ఎయిర్ పోర్ట్ నుంచి ప్రత్యేక హెలికాప్టర్ లో సీఎం కేసీఆర్ బయల్దేరారు. సీఎం కేసీఆర్ కొంగరకలాన్ చేరుకున్నారు. కాసేపట్లో ప్రగతి నివేదన సభ ప్రారంభం కానుంది.  

 

[18 : 05]

 రంగారెడ్డి : కాసేపట్లో ప్రగతి నివేదన సభ ప్రారంభం కానుంది. బేగంపేట ఎయిర్ పోర్ట్ నుంచి ప్రత్యేక హెలికాప్టర్ లో సీఎం కేసీఆర్ బయల్దేరారు. 

[15 : 50]

హైదరాబాద్ : తెలంగాణ కేబినెట్ భేటీ ముగిసింది. కేవలం వేతన సవరణలకే కేబినెట్ భేటీ పరిమితమైంది. ముందస్తు ఎన్నికలపై మంత్రులు మాట్లాడలేదు. ఉప ఎన్నికలపై మంత్రులు సమాధానం దాటవేశారు. మీడియా సమావేశానికి సీఎం కేసీఆర్ హాజరుకాలేదు. కేబినెట్ లో ముందస్తు ఎన్నికలపై చర్చ జరగలేదా?

[14 : 38]

హైదరాబాద్ : తెలంగాణ కేబినెట్ భేటీ ముగిసింది. ఈ సమావేశంలో కీలక నిర్ణయాలు తీసుకున్నారు. బీసీ కులాలకు హైదరాబాద్ లో రూ.70 కోట్లతో ఆత్మగౌరవ భవనాల నిర్మాణానికి 71 ఎకరాలు కేటాయించారు. హైదరాబాద్ లో రెడ్డి హాస్టల్ కు మరో 5 ఎకరాలు కేటాయించారు.

[13 : 54]

హైదరాబాద్ : ప్రగతి భవన్ లో తెలంగాణ రాష్ట్ర కెబినెట్ సమావేశం కొనసాగుతోంది. పాలనా పరంగా కీలక నిర్ణయాలు తీసుకొనే అవకాశం ఉందని తెలుస్తోంది. కేబినెట్ భేటీ అనంతరం సీఎం కేసీఆర్ మీడియా సమావేశం నిర్వహించనున్నారు.

[13 : 52]

నల్గొండ : నాగార్జున సాగర్ లో ఇన్ ఫ్లో తగ్గడంతో అధికారులు గేట్లను మూసివేశారు. ఉదయం 2గేట్లను అధికారులు ఎత్తివేసిన సంగతి తెలిసిందే. ఇన్ ఫ్లో తగ్గడంతో మళ్లీ గేట్లను మూసివేశారు. 

[13 : 50]

విజయవాడ : వైఎస్ఆర్ కాంగ్రెస్ పార్టీ అధినేత వైఎస్ జగన్ సమక్షంలో టీడీపీ నేత, నెల్లూరు జిల్లా సీనియర్ నాయకుడు ఆనం రాంనారాయణరెడ్డి వైసీసీలో చేరనున్నట్లు సమాచారం.

[13 : 25]

హైదరాబాద్ : తెలంగాణ కేబినెట్ సమావేశం ప్రారంభమైంది. ఈ సమావేశంలో కీలక నిర్ణయాలు తీసుకుంటారనే ప్రచారం జరుగుతోంది. 

[13 : 14]

హైదరాబాద్ : తెలంగాణ రాష్ట్ర ముఖ్యమంత్రి కేసీఆర్ ఎం నిర్ణయం తీసుకుంటారో వేచి చూడాలని టీఆర్ఎస్ ఎంపీ బాల్క సుమన్ పేర్కొన్నారు. కొంగరకలాన్ లో నిర్వహిస్తున్న భారీ బహిరంగసభలో ఆయనతో టెన్ టివి మాట్లాడింది. కొంగరకలాన్ కు దాదాపు 25-30 లక్షల మంది తరలివస్తారన్నారు.

[13 : 13]

హైదరాబాద్ : కొంగరకలాన్ లో ప్రగతి నివేదన సభలో పాల్గొనేందుకు తండోపతండాలుగా వస్తున్నారు. సభా ప్రాంగణం మంతా గులాబీ మయమై పోయింది. అధికారులు భారీ ఏర్పాట్లు చేశారు. దాదాపు 20వేల మంది పోలీసులతో బందోబస్తు ఏర్పాటు చేశారు. మొత్తం 24 గ్యాలరీలు ఏర్పాటు చేశారు.

[12 : 34]

హైదరాబాద్ : తెలంగాణ కేబినెట్ సమావేశం సర్వత్రా ఉత్కంఠ రేపుతోంది. కేబినెట్ ఎజెండాపై సర్కార్ గోప్యత పాటిస్తోంది. ఉద్యోగుల మధ్యంతర భృతిపై కేసీఆర్ ఆమోద ముద్ర వేయనున్నట్లు, ఉద్యోగులకు 24-30 శాతం ఐఆర్ ప్రకటించే అవకాశం ఉందని ప్రచారం జరుగుతోంది.

[12 : 30]

హైదరాబాద్ : సికింద్రాబాద్ నియోజకవర్గంలో మంత్రి తలసాని ఆధ్వర్యంలో ప్రజలు భారీగా తరలివస్తున్నారు. ఆదిలాబాద్ జిల్లా నుండి వచ్చిన పలువురు గుస్సా నృత్యాలు చేస్తూ సభకు వెళుతున్నారు. కోలాట నృత్యాలు...గోండు నృత్యాలు...లంబాడీల నృత్య ప్రదర్శన...బోనాలతో వెళుతుండడం అందర్నీ ఆకట్టుకుంది. 

[11 : 51]

నల్గొండ : నాగార్జున సాగర్ నిండు కుండలా మారిపోయింది. రెండు గేట్లను ఐదడుగుల ఎత్తులో ఎత్తివేసి నీటిని కిందకు వదిలారు. 

[11 : 45]

హైదరాబాద్ : అసెంబ్లీని రద్దు చేస్తామని ఎవరన్నా చెప్పారా ? కేవలం తాము చేపడుతున్న...చేపట్టిన కార్యక్రమాలు ప్రజలకు తెలియచేసేందుకే 'ప్రగతి నివేదన' సభ ఏర్పాటు చేయడం జరిగిందని మంత్రి మహేందర్ రెడ్డి పేర్కొన్నారు. సభ ప్రాంగణం నుండి ఆయనతో టెన్ టివి మాట్లాడింది.

[10 : 47]

హైదరాబాద్ : తెలంగాణ రాష్ట్ర ప్రభుత్వం ప్రతిష్టాత్మకంగా నిర్వహించే 'ప్రగతి నివేదన' సభపై అందరి చూపు నెలకొంది. తెలంగాణ జిల్లాల నుండి భారీగా జనాలు తరలివస్తున్నారు. సభా ప్రాంగణంలో ఎమ్మెల్యే జీవన్ రెడ్డితో టెన్ టివి మాట్లాడింది. ఇలాంటి సభ ఎవరూ పెట్టలేదని తెలిపారు.

[9 : 38]

హైదరాబాద్ : టీఆర్ఎస్ నిర్వహించే ప్రగతి నివేదన సభకు భారీగా జనాలు తరలివస్తున్నారు. శనివారం రాత్రికే ట్రాక్టర్లలలో ప్రజలు భారీగా తరలివచ్చారు. బొంగులూరి గేట్ వద్ద మూడు వేల ట్రాక్టర్లు పార్కింగ్ చేశారు. 

[9 : 06]

హైదరాబాద్ : టీఆర్ఎస్ నిర్వహించే 'ప్రగతి నివేదన' సభకు భారీ ఏర్పాట్లు చేశారు. కొంగరకలాన్ లో ఆదివారం భారీ బహిరంగ సభ నిర్వహిస్తున్న సంగతి తెలిసిందే. కనీవినీ ఎరుగని రీతిలో బహిరంగసభ నిర్వహించాలని పార్టీ అధినాయకత్వం నిర్ణయం తీసుకున్న సంగతి తెలిసిందే.

[9 : 04]

హైదరాబాద్ : 2 వేల ఎకరాల్లో 300 మంది కూర్చొనేందుకు వీలుగా సభా వేదికగా ఏర్పాటు చేశారు. వేదిక ఎదురుగా 24 గ్యాలరీలు, సభా ప్రాంగణంలో 50 భారీ ఎల్ ఈ డీ స్ర్కీన్లు ఏర్పాటు చేశారు. 30 అంబులెన్స్ లు, 150 మంది వైద్యులను నియమించారు.

[9 : 04]

హైదరాబాద్ : టీఆర్ఎస్ నిర్వహించే కొంగరకలాన్ లో నిర్వహించే భారీ బహిరంగసభకు సుమారు 25 లక్షల మంది వస్తారని తెలుస్తోంది. ఇందుకు నేతలు జనసమీకరణ చేశారు. 

[9 : 04]

రంగారెడ్డి : కొంగరకలాన్ లో టీఆర్ఎస్ నిర్వహించే 'ప్రగతి నివేదన' సభకు అన్ని ఏర్పాట్లు పూర్తి చేస్తున్నారు. సాయంత్రం 4గంటల తరువాత పార్టీ అధ్యక్షుడు, సీఎం కేసీఆర్ ప్రసగించనున్నారు. సుమారు గంటన్నర సేపు ఆయన ప్రసంగించనున్నారని తెలుస్తోంది. 

[22 : 06]

హైదరాబాద్ : నగరంలోని పలు చోట్ల వర్షం పడుతుంది. 

 

[21 : 30]

రంగారెడ్డి : కొంగరకలాన్ ప్రగతి నివేదన సభ ప్రాంతంలో వర్షం తగ్గింది. సభ పరిపరాల్లో వాతావరణం సందడిగా మారింది. 

 

[21 : 28]

జమ్మూకాశ్మీర్ : బందిపారా ప్రాంతంలో ఎదురుకాల్పులు జరిగాయి. భద్రతా బలగాలు కాల్పుల్లో ముగ్గురు ఉగ్రవాదులు హతమయ్యారు. ఘటనాస్థలిలో తుపాకులు, మందుగుండు సామాగ్రి స్వాధీనం చేసుకున్నారు. 

[15 : 34]

ఢిల్లీ : ఆసియాకప్ కు భారత్ టీమ్ ను ఎంపిక చేశారు. కెప్టెన్ విరాట్ కోహ్లీకి రెస్టు ఇచ్చారు. తాత్కాలిక కెప్టెన్ గా రోహిత్ వ్యవహరించనున్నారు. అంబటి రాయుడు, భువనేశ్వర్, కేదార్ జాదవ్ లు రీ ఎంట్రీ ఇవ్వనున్నారు.

[15 : 02]

కర్నూలు : మంత్రాలయంలో బీజేపీ జాతీయ అధ్యక్షులు అమిత్ షా పర్యటిస్తున్నారు. సుజియేంద్ర ఆరోగ్య కేంద్రాన్ని షా ప్రారంభించారు. 

[13 : 37]

ఢిల్లీ : ఇండోనేషియా వేదికగా జరుగుతోన్న 18వ ఆసియా క్రీడల్లో భారత్‌ ఖాతాలో మరో స్వర్ణం వచ్చి చేరింది. పురుషుల బాక్సింగ్‌ 49 కేజీల లైట్ ఫ్లై విభాగం ఫైనల్‌లో భారత్‌కు చెందిన అమిత్‌ పంఘాల్‌ విజేతగా నిలిచి స్వర్ణం పతకం సాధించాడు.

[13 : 23]

కర్నూలు : శ్రీశైలం జలాశయానికి వరద ప్రవాహం కొనసాగుతోంది. దీంతో ప్రాజెక్టు మూడు గేట్లు ఎత్తి దిగువకు నీటిని విడుదల చేస్తున్నారు. శ్రీశైలం జలాశయం ఇన్‌ఫ్లో 1,56,656 క్యూసెక్కులు ఉండగా.. ఔట్‌ఫ్లో 1,83,714 క్యూసెక్కులుగా ఉంది.

[13 : 02]

హైదరాబాద్ : తెలంగాణ గులాబి దండు కదిలింది. జనజాతరకు ప్రజలు తరలిరావడం మొదలైంది! ప్రభలు కట్టుకుని పండుగలకు పోయినట్టు.. ఊళ్లన్నీ హైదరాబాద్ రోడ్డెక్కుతున్నాయి! అందంగా అలంకరించిన వేలకొద్దీ ట్రాక్టర్లు.. లారీలు.. బస్సులు.. ఇతర వాహనాలు..

[11 : 13]

చిత్తూరు : రేణిగుంట ఆర్డీవో చెక్ పోస్ట్ లో ఏసీబీ అధికారులు సోదాలు చేపట్టారు. ఈ సోదాలలో రూ.14వేల అక్రమ నగదును అధికారులు స్వాధీనం చేసుకున్నారు. ఏంవీఐ అవినీతికి పాల్పడుతున్నారనే సమాచారంతో విజయ్ భాస్కర్ ఇంట్లో కూడా అధికారులు తనిఖీలు నిర్వహించారు.

[11 : 05]

వరంగల్ : తన రాజకీయ భవిష్యత్తుపై మంత్రి కడియం శ్రీహరి ధీమా వ్యక్తంచేశారు. తాను మరో మూడేళ్లు ఎమ్మెల్సీగానే వుంటాననీ తనకు ఏమాత్రం ఢోకా లేదని కడియం ధీమా వ్యక్తంచేశారు.

[9 : 58]

శ్రీకాకుళం : వంగర మండలంలోని శ్రీహరిపురంలో విషజ్వరాలు ప్రబలి ప్రజలు పలు ఇబ్బందులకు గురవుతున్నారు. ఈ విష జ్వరాలకు వారం రోజుల్లో ముగ్గురు మృతి చెందారు. దీంతో ఆ ప్రాంతంలో విషజ్వరాల ప్రభావం ఎంతగా వుందో ఊహించుకోవచ్చు.

[9 : 36]

తిరుమల : ప్రభుత్వ సిఫార్సులకు టీటీడీ పాలక మండలి చెక్ పెట్టింది. కళ్యాణ మండపాలు నిర్మించాలన్న సీఎంవో, ఇతర నేతల పిషార్సులను టీటీటీ పాలకమండలి పక్కన పెట్టింది.

[8 : 58]

ఢిల్లీ : పురుషుల కనీస వివాహ అర్హత వయసు తగ్గే అవకాశం వుంది. ఇకపై అబ్బాయిలు 18 ఏళ్లకే పెళ్లి చేసుకోవచ్చంటూ లాకమిషన్ సంచలన ప్రతిపాదన చేసింది. ఇప్పటి వరకు వివాహ అర్హత వయసు 21 ఏళ్లుగా ఉండగా, ఇప్పుడు దానిని మూడేళ్లు తగ్గించి 18 ఏళ్లుగా ప్రతిపాదన చేసింది.

[8 : 38]

అమరావతి : రాష్ట్ర విభజన అనంతరం తీవ్రంగా నష్టపోయిన ఏపీకి ప్రత్యేక హోదా కావాలంటు రాష్ట్రం అంతా గగ్గోలు పెడుతున్నా..కేంద్రం ఏమాత్రం ఖాతరు చేయటంలేదు. ఏపీకి న్యాయం చేసేందుకు ముందుకు రావటంలేదు.

[8 : 22]

కర్నూలు : శ్రీశైలం కొండపై భారీ అగ్నిప్రమాదం సంభవించింది. అర్థరాత్రి 12గంటల తరువాత తాత్కాలిక దుకాణ సముదాయంలో భారీగా మంటలు చెలరేగాయి. ఈ ఘటనలో 13 షాపులు అగ్నికి ఆహుతి అయ్యాయి.

Pages

Don't Miss