ఒంటేరు ప్రతాప్ రెడ్డిపై పీఎస్ లో ఫిర్యాదు..

21:05 - November 3, 2018

మెదక్ : ఒంటేరు ప్రతాప్ రెడ్డి ఇప్పుడు వార్తల్లో వ్యక్తిగా మారిపోయారు. సాధారణంగా వివాదాస్పద వ్యాఖ్యలు చేస్తేనే వార్తల్లోకి వచ్చేస్తారు. ఈ నేపథ్యంలో తెలంగాణ మంత్రి హరీశ్ రావుపై వంటేరు ప్రతాప్ రెడ్డి చేసిన ఆరోపణల నేపథ్యంలో ఆయనపై గజ్వేల్ పోలీస్ స్టేషన్ లో ఫిర్యాదు నమోదైంది. రైతు సమన్వయ సమితి సభ్యుడు దేవీరవీందర్ ఈ మేరకు ఫిర్యాదు చేశారు. హరీశ్ రావుపై వంటేరు వివాదస్పద వ్యాఖ్యలు చేశారని ఆ ఫిర్యాదులో పేర్కొన్నారు. కాగా, మెదక్ జిల్లా తూప్రాన్ మండలంలోని ఘన్ పూర్ లో టీఆర్ఎస్-కాంగ్రెస్ పార్టీ వర్గాల మధ్య ఘర్షణ జరిగింది. ఇరు వర్గాల మధ్య మాటామాటా పెరిగి తోపులాటకు దారితీసింది. ఈ క్రమంలో వంటేరు ప్రతాప్ రెడ్డి ప్రచారాన్ని టీఆర్ఎస్ నాయకులు అడ్డుకున్నారు. కాగా హరీశ్ తనకు ఫోన్ చేసిన తన మామ కేసీఆర్ ను ఓడించమనీ..అందుకు ఎంతకావాలన్నా ఇస్తారనన్నారనీ వివాదాస్పద వ్యాఖ్యలు చేసిన విషయం తెలిసిందే. ఈ వ్యాఖ్యలపై స్పందించిన హరీశ్ రావు వెంటనే తనకు ఒంటేరు బేషరతుగా క్షమాపణ చెప్పాలని డిమాండ్ చేయటమే కాక ఒంటేరుపై తీవ్రస్థాయిలో విరుచుకుపడ్డారు. అతనికి డిపాజిట్లు కూడా రాకుండా చేస్తాననీ..అప్పటి వరకూ గజ్వేల్ లోనే వుంటారని సవాల్ చేశారు.

Don't Miss