ఉరకలెత్తుతోన్న గోదావరి..

11:52 - July 10, 2018

హైదరాబాద్ : తెలంగాణలో గోదావరి ఉపనదులు ఉరకలెత్తుతున్నాయి. తాలిపేరు ప్రాజెక్టు నుంచి 4 గేట్ల ద్వారా 5,044 క్యూసెక్కుల నీటి విడుదల చేశారు. దీంతో భద్రాద్రి కొత్తగూడెం జిల్లాలలో వరద ప్రవాహం 26 అడుగులకు చేరుకుంది.  వరద ఉధృతి కారణంగా భద్రాచలం వద్ద రెండో బ్రిడ్జి నిర్మాణ పనులు నిలిచిపోయాయి. స్నానఘట్టాల వరకూ వరద నీరు చేరడంతో భక్తులకు ఇబ్బందులు ఎదరువుతున్నాయి. అటు జయశంకర్‌ భూపాలపల్లి జిల్లాలోనూ గోదావరి ఉధృతంగా  ప్రవహిస్తోంది. కాళేశ్వరం త్రివేణీ సంగమం వద్ద నీటి మట్టం క్రమంగా పెరుగుతోంది. కాళేశ్వరం వద్ద ప్రస్తుతం  7.5 మీటర్ల మేర వరద ప్రవహిస్తోంది. వరద మరింత పెరగొచ్చన్న అంచనాతో పరీవాహక ప్రాంతాల ప్రజలను అధికారులు అప్రమత్తం చేశారు. అన్నారం బ్యారేజీ వద్ద తాత్కాలిక ఆనకట్ట తెగింది. వరద ఉధృతి ఇలాగే కొనసాగితే సాయంత్రానికి మొదటి ప్రమాద హెచ్చరిక జారీ చేసే యోచనలో అధికారులు ఉన్నారు. 

 

Don't Miss