హైదరాబాద్ లో 144 సెక్షన్ అమలు

07:16 - December 6, 2018

హైదరాబాద్ : తెలంగాణ అసెంబ్లీ ఎన్నికల పోలింగ్ రేపు జరుగనుంది. ఉదయం 7 నుంచి సాయంత్రం 5 గంటల వరకు పోలింగ్ కొనసాగనుంది. ఎన్నికల నిర్వహణకు ఈసీ అన్ని ఏర్పాట్లు చేసింది. రాష్ట్ర వ్యాప్తంగా బరిలో 1821 మంది అభ్యర్థులు ఉన్నారు. మొత్తం 2 కోట్ల 80 లక్షల 64 వేల 684 మంది ఓటర్లు ఉన్నారు. రాష్ట్ర వ్యాప్తంగా 32 వేల 815 పోలింగ్ కేంద్రాలు ఏర్పాటు చేశారు. ఎన్నికల విధుల్లో 2 లక్షల మంది ఉద్యోగులు పాల్గోనున్నారు. ఓటు, పోలింగ్ బూత్ సమాచారం కోసం ’నా ఓటు’ యాప్ ఏర్పాటు చేశారు. దివ్యాంగులకు ప్రత్యేక రవాణా సదుపాయాన్ని ఏర్పాటు చేశారు. 
భారీ బందోబస్తు ఏర్పాటు... 
రాష్ట్ర వ్యాప్తంగా పోలీసులు భారీ బందోబస్తు ఏర్పాటు చేశారు. ఇందులో భాగంగా హైదరాబాద్ లో 144 సెక్షన్ అమలు చేశారు. ఎన్నికలు ముగిసే వరకు 144 సెక్షన్ అమల్లో ఉండనుంది. ఎలాంటి అవాంచనీయ ఘటనలు జరగకుండా గట్టి భద్రతా చర్యలు తీసుకున్నారు. పోలింగ్ స్టేషన్ నుంచి 200 మీటర్ల దూరం వరకు ఐదుగురి కంటే ఎక్కువ మంది సంచారంపై నిషేదం విధించారు. ఓటర్లను ప్రలోభాలకు గురిచేస్తే కఠిన చర్యలు తీసుకుంటామని పోలీసు అధికారులు హెచ్చరించారు. 

 

Don't Miss