చిత్తూరు జిల్లాలో భారీగా పట్టుబడిన ఎర్రచందనం

09:12 - November 2, 2018

చిత్తూరు : జిల్లాలో అక్రమంగా రవాణా చేస్తున్న ఎర్రచందనం భారీగా పట్టుబడింది. కురబలకోట మండలం  సుమారు రెండు కోట్ల రూపాయల విలువ చేసే 146 దుంగలను పోలీసులు స్వాధీనం చేసుకున్నారు. కడప నుంచి బెంగళూరుకు అక్రమంగా రవాణా చేస్తున్నారనే సమాచారంతో.. ముదివేడు పోలీసులు కురబలకోట మండలం రైల్వేగేటు దగ్గర తనిఖీలు నిర్వహిస్తుండగా ఎర్రచందనం దుంగలు పట్టుబడ్డాయి. లారీ డ్రైవర్‌ను అదుపులోకి తీసుకున్నారు. ఎర్రచందనాన్ని రవాణా చేస్తున్న లారీని పోలీసులు స్వాధీనం చేసుకున్నారు. ఎర్రచందనం దుంగలను పీఎస్‌కు తరలించారు. 

 

Don't Miss