విలన్ గా రాజశేఖర్..

07:35 - February 19, 2016

విభిన్న ప్రేమ కథా చిత్రాల దర్శకుడిగా మంచి గుర్తింపు తెచ్చుకున్న తేజ తాజాగా 'అహం' పేరుతో ఓ చిత్రాన్ని తెరకెక్కించనున్నారు. ఈ చిత్రంతో హీరో రాజశేఖర్‌ విలన్‌గా మారబోతున్నారు. త్వరలోనే ప్రారంభం కానున్న ఈ చిత్రాన్ని వైష్ణవి ఎంటర్‌టైన్‌మెంట్స్ బ్యానర్‌పై స్నేహితులతో పి.సత్యనారాయణ రెడ్డి నిర్మిస్తున్నారు. 'అంకుశం', 'మగాడు', 'ఆగ్రహం', 'ఆహుతి', 'ఎవడైతే నాకేంటి' వంటి ఎన్నో విజయవంతమైన చిత్రాల్లో హీరోగా నటించి టాలీవుడ్‌ యాంగ్రీ యంగ్‌ మ్యాన్‌గా పేరు తెచ్చుకున్న డా. రాజశేఖర్‌ ఈ చిత్రంలో విలన్‌గా సరికొత్త పాత్రలో నటిస్తుండడం విశేషం. ఆయన సరసన ఓ స్టార్‌ హీరోయిన్‌ నటించనుంది. ఈ చిత్రం ద్వారా ఓ నూతన నటుడిని హీరోగా పరిచయం చేస్తున్నాం. నారాయణ్‌ రెడ్డి ఆర్ట్ డైరెక్టర్‌గా, రసూల్‌ ఎల్లోర్‌ కెమెరామెన్‌గా వర్క్‌ చేస్తున్న ఈ చిత్రానికి అనూప్‌ రూబెన్స్ సంగీతమందిస్తున్నారు' అని చిత్ర యూనిట్‌ పేర్కొంది.

Don't Miss