శృతిమించుతున్న ఎస్పీ నేతల ఆగడాలు

20:57 - January 6, 2016

లక్నో : ఉత్తర్‌ప్రదేశ్‌లో సమాజ్‌వాదీ పార్టీ నేతల ఆగడాలు రోజురోజుకు శృతిమించుతున్నాయి. మొన్న లక్నోలో ఓ ఆటోవాలపై చేయి చేసుకున్న ఎస్‌పీ నేతలు.... నిన్న మీరట్‌లో  ఆ పార్టీకి చెందిన మరో నాయకుడు ఓ పండ్ల వ్యాపారి గొంతు కోశాడు. మీరట్‌ సమీపంలోని సర్దానా అసెంబ్లీ నియోజవర్గ ఇన్‌ఛార్జ్‌గా పని చేస్తున్న అనీష్‌ ఖురేషీ.... ఓ  వ్యాపారి  దగ్గర జామపండ్లు కొన్నాడు. జామపండ్లు అమ్మిన  17 ఏళ్ల బాలుడు డబ్బులు ఇవ్వాలని ఖురేషీని అడిగాడు. దీంతో కోపోద్రిక్తుడైన ఖురేషీ... జామపండ్లు కోసే చాకు తీసుకుని వ్యాపారి గొంతు కోశాడు. దీంతో తీవ్ర రక్తస్రావమైన బాలుడిని చికిత్సకోసం ఆస్పత్రికి తరలించారు.  ఈ ఘటనపై బాధితుడు పోలీసులకు ఫిర్యాదు చేశాడు. ఖురేషీపై కేసు నమోదు చేసిన పోలీసులు.. దర్యాప్తు చేస్తున్నారు.

 

Don't Miss