టీఆర్ఎస్ అభ్యర్థి జైపాల్‌యాదవ్‌ కారుకు ప్రమాదం

18:35 - October 2, 2018

రంగారెడ్డి  టీఆర్‌ఎస్ అభ్యర్థి జైపాల్‌యాదవ్‌ కారు ప్రమాదానికి గురైంది. ఆయనకు తృటిలో ప్రమాదం తప్పింది. కల్వకుర్తి నియోజకవర్గ టీఆర్‌ఎస్ అభ్యర్థి జైపాల్‌యాదవ్‌ ఎన్నికల ప్రచారంలో భాగంగా వెళ్తున్నారు. రంగారెడ్డి జిల్లా కడ్తాల్ సమీపంలో వెనుక నుంచి వస్తున్న టిప్పర్.. జైపాల్ యాదవ్‌ కారు వెనుక భాగంలో ఢీకొట్టంది. కారు వెనుకభాగానికి కొద్దపాటి నష్టం జరిగింది. జైపాల్ యాదవ్‌తోపాటు వాహనంలోని మరికొందరికి ఎలాంటి ప్రాణ హాని జరగలేదు. సురక్షితంగా బయటపడ్డారు. టిప్పర్ క్రషర్ మిల్లుకు వెళ్తుండగా ప్రమాదం చోటుచేసుకుంది. ఘటనాస్థలికి చేరుకున్న కడ్తాల్ పోలీసులు టిప్పర్ డ్రైవర్ ను అదుపులోకి తీసుకుని, విచారించారు. డ్రైవర్ మద్యం మత్తులో ఉండడం వల్లే ప్రమాదం జరిగినట్లు తెలుస్తోంది. టిప్పర్ డ్రైవర్, యాజమాన్యంపై కేసు నమోదు చేస్తామని పోలీసులు చెప్పారు. 

 

Don't Miss