రోడ్డు ప్రమాదం తర్వాత 6 రోజుల పాటు కారులోనే ఉన్న మహిళ

18:20 - November 1, 2018

అరిజోనా (అమెరికా): రోడ్డు ప్రమాదం జరిగిన తర్వాత ఓ మహిళ 6 రోజులపాటు కారులోనే ఉండిపోయింది. వివరాల్లోకి వెళితే.. అమెరికాలోని అరిజోనాలో అక్టోబర్ 12న మహిళ ఒక్కతే డ్రైవ్ చేస్తూ ఉండగా కారు అదుపుతప్పి రైలింగ్‌ను ఢీ కొట్టి 17 మీటర్ల లోతు ఉన్న లోయలోకి పడిపోయింది. కారు చెట్టు కొమ్మలో ఇరుక్కుపోవడంతో ఆరు రోజులపాటు కారులోనే ఉండిపోయింది. అక్టోబర్ 18న రైలింగ్ డ్యామేజీని గమనించిన భద్రతా సిబ్బంది చెట్టుపై ఉన్న కారును గమనించి కిందకి దిగారు. కానీ కారులో ఎవరూ లేకపోవడంతో వెనుతిరిగారు. ఆ మహిళ చిన్నగా చెట్టుపైనుంచి పైకి వచ్చి రైల్-రోడ్డుకు చేరుకొనేందుకు ప్రయాసపడింది. అయితే శరీరంలో నీరు తక్కువ కావడంతో అక్కడికి చేరుకోలేకపోయింది. స్థానికులు కొందరు ఆ మహిళను గమనించడంతో ఆసుపత్రిలో చేర్చడంతో కోలుకుంటోంది. 
 

Don't Miss