రాహుల్‌గాంధీకి బీజేపీ ఎంపీ సాక్షి మహరాజ్‌ సవాల్‌

18:41 - October 9, 2018

ఢిల్లీ : కాంగ్రెస్‌ జాతీయ అధ్యక్షులు రాహుల్‌గాంధీకి బీజేపీ ఎంపీ సాక్షి మహరాజ్‌ సవాల్‌ విసిరారు. 2019 లోక్‌సభ ఎన్నికల్లో ఉత్తర్‌ప్రదేశ్‌లోని ఉన్నావ్‌ నియోజకవర్గం నుంచి రాహుల్‌గాంధీ పోటీ చేసి తనపై గెలవాలని.. ఒకవేళ ఓడిపోతే ఇటలీ వెళ్లిపోవాలలని మహరాజ్ అన్నారు. ఈమేరకు ఏర్పాటు చేసిన మీడియా సమావేశంలో ఆయన మాట్లాడుతూ ‘రాహుల్‌గాంధీకి ఇదే నా సవాల్‌. 2019 లోక్‌సభ ఎన్నికల్లో ఉన్నావ్‌ నియోజకవర్గం నుంచి నాకు వ్యతిరేకంగా పోటీ చేయాలి. ఒకవేళ ఆయన గెలిస్తే నేను రాజకీయాలను వదిలేస్తా.. కానీ ఆయన ఓడిపోతే మాత్రం దేశాన్ని‌ వదిలి ఇటలీ వెళ్లిపోవాలి’ అని సవాల్ చేశారు. రాహుల్‌ మానస సరోవర్‌ యాత్రపైనా ఆయన విమర్శలు చేశారు. రాహుల్‌ యాత్ర చేయడాన్ని తాము వ్యతిరేకించబోమని, అయితే అలాంటి యాత్రలు చేపట్టేముందు పవిత్రత చాలా అవసరమన్నారు. రాహుల్‌గాంధీ ఈ యాత్ర చేపట్టే ముందు స్వచ్ఛంగా మారాలని అని సాక్షి మహరాజ్‌ సూచించారు.

 

Don't Miss