గన్‌లతో వచ్చారు.. బర్రెలను దోచుకెళ్లారు.!

11:19 - October 26, 2018

ముజఫర్‌నగర్ (ఉత్తర్‌ప్రదేశ్): దొంగలు విజృంభించారు. తుపాకులతో వచ్చిన 25 మంది దుండగులు 18 గేదలను లారీలలో ఎక్కించుకొని పరారయ్యారు. వీటి విలువ రూ 20 లక్షల పైమాటే. ఈ సంఘటన మజఫర్‌నగర్ జిల్లాలోని రత్నాపురి అనే గ్రామంలో జరిగిందని పోలీసులు శుక్రవారం తెలిపారు. 
దుండగులు డైరీ ఫామ్ నడుపుతున్న నరేష్ కుమార్‌ అతని కొడుకు మోహిత్‌పై తుపాకీ గురిపెట్టి రెండు లారీల్లో బర్రెలను తరలించినట్టు పోలీసులు తెలిపారు. 
దీంతో ఆగ్రహానికి గురైన గ్రామస్థులు ఠాణా పోలీస్ స్టేషన్ ముందు బైఠాయించి నిరసన ప్రదర్శన చేశారు. సీనియర్ పోలీసు అధికారులు వచ్చి హామీ ఇచ్చిన తరువాత వారు పోరాటం నిలిపేశారు. బర్రెల దొంగలను పట్టుకొనేందుకు పోలీసులు విచారణ చేపట్టారు.
 

 

Don't Miss