రేపు బెంగుళూరు వెళ్లనున్నచంద్రబాబు నాయుడు

19:30 - November 7, 2018

అమరావతి: ఆంధ్రప్రదేశ్ ముఖ్యమంత్రి, తెలుగుదేశంపార్టీ జాతీయ అధ్యక్షుడు చంద్రబాబునాయుడు గురువారం బెంగుళూరు వెళుతున్నారు. వచ్చే ఎన్నికల్లో బీజేపీని ఓడించటానికి దేశంలోని   బీజేపీ వ్యతిరేక పార్టీలను ఒకతాటిపైకి తెచ్చే ప్రయత్నంలో చంద్రబాబు రేపు బెంగుళూరులో మాజీప్రధాని,జేడీఎస్ అధ్యక్షుడు దేవెగౌడతో, కర్ణాటక ముఖ్యమంత్రి కుమారస్వామితోనూ బేటీ కానున్నారు. జాతీయ స్థాయిలో బీజేపీయేతర పార్టీలను ఏకం చేసేందుకు చంద్రబాబు చేస్తున్న ప్రయత్నాలకు ఉత్తరప్రదేశ్ మాజీ ముఖ్యమంత్రి అఖిలేష్ యాదవ్ కూడా ఇటీవల మద్దతు ఇచ్చారు. ఇప్పటికే చంద్రబాబు ఢిల్లీ పర్యటనలో కాంగ్రెస్ పార్టీ అధ్యక్షుడు రాహుల్ గాంధీ, ఢిల్లీ సీఎం కేజ్రీవాల్‌తో పాటు, యూపీ మాజీ సీఎం మాయావతి, లోక్ తాంత్రిక్ జనతాదళ్ అధ్యక్షుడు శరద్ యాదవ్‌తో భేటీ అయ్యి జాతీయ రాజకీయాల గురించి చర్చించారు. తమిళనాడులో కీలక నేతగా ఉన్న డీఎంకే  పార్టీ అధ్యక్షుడు స్టాలిన్ కూడా రాహుల్-చంద్రబాబు భేటీని స్వాగతించారు. ఈ వారంలోనే చంద్రబాబు నాయుడు చెన్నై వెళ్లి  డీఎంకే అధినేత స్టాలిన్‌తోనూ భేటీ కానున్నారు.

 

Don't Miss