ముంచుకొస్తున్న టిట్లీ తుఫాన్

19:05 - October 9, 2018

విశాఖపట్నం: ఉపరితల ఆవర్తనంగా మొదలైన తుఫాను.. రానున్న 24 గంటల్లో పెను తుఫానుగా మారనుందని వాతవరణ శాఖ హెచ్చరికలు జారీ చేసింది. ఈ తుఫానుకు టిట్లీగా నామకరణం చేశారు. 
ఈ వాయిగుండం వాయవ్య దిశగా పయనించి ఒడీషా, ఉత్తరాంధ్రల మధ్య తీరం దాటే అవకాశం ఉందని భారత వాతావరణ శాఖ తెలియజేసింది. గోపాలపూర్, కళింగపట్నం మధ్య అక్టోబరు 11 తేదీ ఉదయం తీరాన్ని దాటవచ్చని అంచనా వేస్తున్నారు. మత్స్యకారులు సముద్రం మీదకు చేపలవేటకు వెళ్లరాదని హెచ్చరిక జారీచేశారు. దీని ప్రభావంతో ఉత్తరాంధ్ర, ఒడీషా తీర ప్రాంతాల్లో తీవ్రస్థాయిలో గాలులు వీచడంతోపాటు.. భారీ వర్షం పడే సూచనలు ఉన్నాయి. 

Don't Miss